زاهد ولاترجي من العالم العون
وماغرك الدنيا و جمع الملايين
.
ولا غواك ابليس وابليس ملعون
اللي يهبل في عقول السلاطين!
.
في دنيتك ماهمك ان كنت في دون
الدون والله من خسر له .. بساتين
.
قلبك على ماقاله : الله , مرهون
وتردد اللي رددوه المصلين ..
.
اللي ماهمْ في كل وادي يهيمون
الزاهدين اللي على الشرع راسين
.
وعلى الكتاب المُنزل تذود وتصون
الصابرين .. الطاهرين .. النقيّين
.
مايمنعون الخير في اي ماعون
عون الفقير و يطعمون المساكين
.
يا جعلهم بعد الذي مايصلون
الفاسدين .. المسرفين .. الشياطين
.
والا انت بالتقوى وبالدين موزون
ولا انفتنت بزين وماهمك الشين
.
والقلب لاحب الملذات .. مسجون
ضاع بغواه وضللوه المضلين
.
متلونين وكل يومٍ لهم لون
وماتيِهوا ماكان له عقلٍ وعين
.
فـ قلوبهم جاحد على الارض مفتون
وفي داخلك زاهد وفي عينك الدين
.
أبحرت في زهدك وسموك مجنون
والله العالم من يكون المجنانيـن !!
فلاح بن ذروه
Негізгі бет فلاح بن ذروه - قصيدة زاهد
Пікірлер