.
.
اشترك وفعل التنبيهات في قناة حمد البويصم الرسمية
للحصول على أحدث إصداراته الفنية
cutt.us/bSX4h
ـ
حفل زواج : محمد بن حمد ال عليان العذبه
كلمات : عبدالهادي بن قنيفذ
أداء : جفران بن هضبان
تصميم : حمد البويصم
__
الكلمات :
لا اله الا انت يالمعبود غافر كل زله
يا عظيم في كنف رحمتك تنقاد الرجاوي
دلني جزل الكلام اللي يداوي كل عله
الهدايه للضمير اعلاج عن كل الاداوي
القصيد الذرب سيف (ن) في مواجيبه نسله
وفي مقام اهل الفعول نصخره والفكر هاوي
يامحمد في زواجك بارك الله بارك الله
جعل فرحتك الكبيره طول عمرك يالنداوي
بسم ابيك اللي عسا الله يرحمه والله يحله
واسم عمانك هل الوقفه بعيدين الهقاوي
مرحبا والعود الازرق يسبقه فنجال دله
مع تراحيب صداها كيف عن كيف القهاوي
والصحون اللي عليها كايد نقله وشله
مع عيال البل تشوف عيال مغنيت الشواوي
يامحمد وانت مثلك يحشم وربعه اتجله
يكفي ان سمعه جدودك فالزمن عنبر وجاوي
انت ابوك اللي مراجل راسه الطيب جبله
والخوال اهل المراجل للمطرف والدناوي
معتلي فوق النجوم الي مراقيب امطله
بالفعول اللي تعز الرجل والطيب الرهاوي
يا سمي اللي النعم من طيب راسه مستحله
الجناب الدمث والفزعات والراس الحماوي
العزيز اللي مقامه عالي ويدهل محله
وارث من راس ابوه الطيب مزبان الجلاوي
الكفو الي ينذخر للكايده ويظل ظله
صامل الوقفات لاعدو الرجال اهل النخاوي
محزم اللابه الى جات الشدايد مستهله
فالصغار من الدعاوي والكبار من الدعاوي
والمدايح فالزحول اللي مواقفهم لادله
ال عليان السيوف اللي تعدل كل غاوي
الجبال الي تذري لاحصل فالوقت خله
والحصون الي تزبن عند حزات البلاوي
حظ والله منهم عضوده ومنهم محزم له
لا بتدا دور الفعول ولانتهى دور الحكاوي
وان بغيت الصدق ولا زبده الموضوع كله
خاو شرواهم من اهل الطيب ولا لاتخاوي
وال عذبه مجدهم شامخ ودوله مستقله
بالفعول اللي شواهدها تجري كل راوي
والسلام ختام يازين المديح الي بحله
والرجال المدح دايم صوبهم سيله نحاوي
عبدالهادي ال قنيفذ
Негізгі бет حفل ال عليان | كلمات عبدالهادي بن قنيفذ | أداء جفران بن هضبان
Пікірлер: 6