للتواصل والاستفسارات :
الحسابات الرسمية
Official WhatsApp :
api.whatsapp.c...
-
يا حمام الدوح غنينا طرب لا تسجعينا
واطربينا يوم صرتي فوق غصن الزيزفونه
وان بغيتي من حروفي تطلبين وتبشرينا
في قصيدٍ يسمعون ويطربون ويحفظونه
بسرج خيول القوافي في حفل ذرب اليمينا
الشعر بدري عليه انه يسدد لي ديونه
ما نسوق الحرف غير لقرمٍ فعوله تبينا
مسلكه ٍ درب المراجل والفطانه ما تخونه
مرحبا واللي حضرنا واجبه حقٍ علينا
عند أبو عبدالله السباق للطيب وزبونه
وقفته عند اللوازم تجعل القاسي يلينا
والخوي يبشر بعزه لا قصور ولا مهونه
كان طيبه جاك من بحر ٍ فلا ياسعه مينا
والصعاب علاجها المحتوم شيلة تيلفونه
ابو عبدالله حمد ذخري على مر السنينا
نسل عود ٍ بالزمان المر طيبه يذكرونه
يا عبدرحمن يذبح وافي الذبح السمينا
لجلك وعبدالعزيز من النجايب يجلبونه
الف مبروك لفرحكم يا عيال الاكرمينا
كل دربن فيه نوماس ومكارم تدهلونه
المكارم ورث بين اجيال طلقين الجبينا
تنتجه جيناتهم مملوك ما يستوردونه
بالوفا لهل الوفا والعرف حي الحاضرينا
بالمراحب والدلال الصفر والعود ودخونه
الحريجات الاكارم من سنين الاولينا
كل علم ٍ من علوم الغانمينا ياردونه
نجهل ليامن جهلنا فوق جهل الجاهلينا
وجارنا نقريه والطيّب نخاويه ونصونه
نفعل ليامن نوينا وان تكلمنا عنينا
والعدو لا طار منا طير ما ترمش عيونه
من زبنا طال راسه ومن تعزوا عز فينا
المراجل بالمراجل والرعونه بالرعونه
وان تداحمنا الفعايل محدن يدحم علينا
والوطن حقه علينا نرخص الاعمار دونه
Негізгі бет افراح الحريجي | علي ال شقير | كلمات احمد الحريجي
Пікірлер: 1