لاخترت اسوق الشعر في مدح الكفو جبت الجزال،
والموقف المحمود. ماياقفه غير ابن العريب ،،
يامرحبا والعود الازرق بالمباخر والدلال ،
في مجلسن من حشمته فيه المكارم ماتغيب ،،
وابو محمد لاورد يارد على العد الزلال ،،
من نسل عوّدن عادته بالطيب ورثها النجيب،
لاضاعت الهقوات عداها على روس الطوال،،
حلّال عقدن مايفك ظروفها غيره صعيب ،،
عبدالله ابن محمد الراجي لامن الوقت مال
ماقصرت يمناه طيب وجعل شمسه ماتغيب،
في سيرته سيرت ابوه ان ميلو سود العقال،
ينهي الامور ومحزم الضيقات وسناد الصويب.
رجال السعد عزوة سند بمزاحم متون الرجال
حرار لاهدت على الصعبات مظربها عطيب،
على اجتماع اللابه اللي شرفت ليل احتفال،،
محمد اللي من وساام العز في بشته نصيب،
من منبر المدح لزفاف محمد بطيب الخصال
عرسن على ذروه سنام العز لمداحه يجيب،،
عقب الضحيه جيت في عيد الفرح ليل اكتمال
مثل البدر وضيوف قصر الجوهره لجلك قريب
حظرة فخر بين الاسامي لاحظر مضرب مثال
نجمه لمع وسهيل بشّر بالسعد وجهه رحيب ،
بارك لك الله وبارك عليك وجملك رب الجلال ،
يالنادر الشهم الشجاع ابن المكارم والعريب،
تمت / كلمات مقادم خير ..
Негізгі бет افراح الراجي المنشد فهد المسيعيد الشاعره مقادم خير بمناسبة زواج محمد عبدالله الراجي السعدي
Пікірлер: 9