Film hadisələri dərindən açıqlayaraq, yaddaşılara həkk olunacaq təqdimatda canlandırmaqdır. Qusar rayonu haqqında filmlər silsiləsi, bu dağlar diyarının bu günün mühüm xüsusiyyətlərini, keçmişin irsinin müasir həyatda rolunun təcəssümü üçündür. Bizim 30 illik informasiya ilə işləmə təcrübəmiz bu prosesdə mühüm rol oynayır. Bu ilk növbədə individual filmləri ictimai təqdimat janrında hazırlanmağa imkan verir.
Əfsanələr insanları dəyərlərə bağlayır, həyat eşqini coşdurur. Qusarlıların həyatında nəsillərdən qalma belə dəyərlər mühüm rol oynayır. Belə əfsanələr nəinki xalqın dilində, həm də xalq adətlərində, mahnılarda və rəqslərdə özünü təzahür edir.
Ləzə əfsanələri bu dəyərlərin bir hissəsidir, Qusarlıların mənəvi irsinin mühüm daşıyıcılarından biridir. Və onların Qusarın ən seçilən məqamının olması şübhəsizdir.
Qoşa şəlalə, onunla bağlı əfsanə də bunlar arasında ən seçilənidir. Bu əfsanə qusarlıların təbiətini, folklorunu, mədəni irsini təcəssüm edən faktorlardan ümdəsidir.
Bu filmə qusarlıların rəqsə həvəsi, irsi dəyərlərlə bağlı folklor nümunələri, təbiətin mühüm xüsusiyyətləri və Bakıda Qusarla bağlı keçirilmiş bir tədbir daxildir. Və bu film bu silsilədən işlədiyimiz layihəmizin ilk hissəsidir.
#Ləzgilər #Qusar #SturviDOC #Ləzgiyar
Studiyamız tərəfindən planlaşdırılmış "Qusarda folklor ənənələri və müasirlik” layihəsi 7 hissədən ibarət sənədli filmlər silsiləsi kimi nəzərdə tutulub. Hər film bu dilbər güşənin həyat tərzinin bir çalarını işıqlandırmaq, ilk baxışda diqqəti cəlb etməyən məqamları açıqlamaq nəzərdə tutulur.
Təqdim olunan birinci film, yerli folklora, onun insanlara təsirinə, nəsillərin qəlbində qoyduğu izin üzə çıxardılmasına həsr olunur. "Qusarda folklor ənənələri və müasirlik” mövzusunda işlənilib, Qusar rayonunun layiq görüldüyü "Folklor paytaxtı 2016" ideyası ətrafında qurulub.
İkinci film-
“Qusarda toy adətləri və rəqs ənənələri” üçün çəkilişlərin əksər hissəsi işlənilib, dramaturji quruluşu hazırdır. Tamamlanma işlərinə ehtiyac var.
Üçüncü film-
“Ləzgi mətbəxinin dadı” üçün çəkilişlərin bir hissəsi hazırdır, dramaturji quruluş işlənib. Tamamlanma işlərinə ehtiyac var.
Dürdüncü film-
“Hünər sahibləri-Qusarlılar tarixdə və bu gün” üçün çəkilişlərin bir hissəsi işlənilib, dramaturji quruluşu hazırdır.
Beşinci film-
“Qusar zamanın sınağında” üçün çəkilişlərin az hissəsi hazırdır, mövzunun dramaturji quruluşunun və süjet xəttinin tamamlanmasına ehtiyac var.
Altıncı film-
“Qusara dövlət qayğısı və iqtisadi potensial” təqdim olunmuş video-foto və çap materialları və təklif etdiyiniz şəxslərlə müsahibələr əsasında hazırlanacaq.
Yeddinci film- “Əfsanələr diyarı” üçün ilkin çəkilişlər var, mövzunun tam işlənməsinə ehtiyac var.
Qarşıdan gələn yay-turizm mövsümü və təbii-sosial şəraitin qeyd olunmuş mövzular üçün müvafiq olmasını nəzərə alaraq, qeyd olunmuş mövzuların az vaxtda işlənib başa çatmasına böyük ehtiyac var. Və qeyd olunduğu kimi birinci film "Seyli Qusar etnoturizm kompleksinin dəstəyi" ilə işlənilib və layihəmiz ona dəstək göstərməyə, Qusarı şərəfləndirmək, öz adını Dağlar diyarının tarixinə əməli işlərlə yazmaq istəyən insanlar üçün açıqdır və Qusarı sevən hər bir şəxsi bu layihədə iştirak etməyə çağırırıq. .
Негізгі бет Əfsanənin ritmi/Folklor paytaxtı-2016/Qusar rayonu haqqında sənədli filmlər silsiləsi-I
Пікірлер