البيوت العظيمه بـ المقام العظيم
الهواجيس تبدع لجله ابياتها
شردن قافيتها ضربها بـ الصميم
يعجز اسكاتها من وده اسكااتها
عاد انا كل ماهبت هبوب النسيم
الشواعير اضيعها حساباااتهااا
ودي اذكر فعولن سايده من قديم
ماتت ابطالها و احيت بطولاتها
يوم نجد إيتراقص به بليس الرجيم
سادت عتيبه الهيلا بـ وقفاتهااا
كم عقيدن عن عتيبه يذب الخريم
عزوتن يكفي الله شر غاراتهاااا
لـ الموالي حزام و لـ المعادي جحيم
من يصادم دواهي نجد و آفاتها
لا ذكرنا بن ربيعان ما نستظيم
ما نفكر بـ دنيانا و صكاااااتها
الرباعين ما يجهلهم الا غشيم
سطرت بـ السيوف الحدب طالاتها
شيختن من قديم و مجد باقي مقيم
تشهد الخيل و البيدا بـ صولاتها
اتبجح بهم هيلن تعوق الخصيم
عاشت عتيبه الهيلا و قاداتها
كل وادي يودي لـ النعم به تهيم
لين رفت ما بين السحب راياتها
يوم عج الرمك و السيف ضربه صريم
نجد ظلعانها تحني لـ ساداتها
راحت اعظام الاعدا في لقانا رميم
و خيرة الابل خذيناها من اماتها
قدم برقا و روق المايله تستقيم
و الجبال اتنحى عن محالاتهاا
القصيد السليم : بـ من يشرف سليم
خص بـ مطنخ الهيلا و هاماتها
الصتايم لا عدو مكتفي بـ الصتيم
التواريخ شابت منه صفحاتها
نايف المجد مجده نور ليلن عتيم
في سناه البشر تحث خطواتها
هيبة اسمه و صطواته تفك الغريم
و العرب ما تعلي قدمه اصواتها
لـ الوازم زعيم و لـ المراجل زعيم
عادت اجداده و يمشي بـ عاداتها
مثل شرواه ما جابت بطون الحريم
سيرته بـ المفاخر فارضا ذاتها
ما خلق فوق راسه راس ماغير غيم
ماخذه من كرم يمناه قطراتها
ذخر عودن مخلد طيبه المُستديم
القبيله تعلق فيه هقواتها
عاد يوم الليالي هم طاغي و ضيم
من تذرى بـ تركي ذاق لـ ذاتها
جعل مسكان تركي في جنان النعيم
بنك الامجاد صيته خط شيكاتها
بحر لا هيجنت بقعا و غنت طميم
لجله اتسرج الهيلا عبيااااتها
الصراحه لا عدت ما تزعل حليم
و الرباعين ما به مثل صوكاتها
لا تنصيت واحدهم كلامه كليم
شيخته تبهج الخاطر بـ فزعاتها
و دام نايف حزام و درع في كل تيم
دورة الوقت لا تفرد عضلاااااتها
Негізгі бет حفيد الدواهي كلمات : محمد الاسعدي اداء : مهنا العتيبي و حاكم الشيباني انتاج وتنفيذ : معاذ العتيبي
Пікірлер: 24