雷同二友將於5月30日舉行出道十五年以嚟嘅首個大型音樂會《自游生物LIVE 2024》。「自游生物」指海洋中自由移動嘅生物,可以隨意選擇順流、逆流,甚至停落嚟休息。雷同二友以「自游生物」比喻自己喺音樂嘅發展節奏,縱使行得比人慢,但佢哋都有一個令自己舒適快樂嘅節奏。
2024年雷同二友有唔同嘅計畫,除咗開show,仲會再出新歌、出大碟、做演唱紀念品等等。對於獨立歌手嘅兩位,最大困難唔係喺短時間內做更多嘅音樂作品, 而係要親自處理一連串嘅Admin同宣傳工作,芊蕾笑言「要有成為E人嘅勇氣」。
雷同二友以往大部分歌曲都係由芊彤負責曲詞部分,而最新嘅作品《靈魂有路》就由林家謙作曲同Oscar填詞。雷同二友表示要演繹林家謙嘅曲並不容易,而林家謙喺第二次錄音都有到場,除咗請食飯亦有指點兩句,撇開固有嘅做法令雷同二友今次可以展示聲音嘅另一面。
5月30號見! @theabsentbrother
Негізгі бет 故歌仔🎶|靈魂 有路 之 雷同二友係邊個?
No video
Пікірлер: 1