上星期終於完成咗英國皇家雅士谷五日賽期,加埋寶塚記念,真係可以話馬不停蹄,嚟到今個週末繼續同大家睇大賽!差唔多一個月前我哋就見證住「名戰古城」喺葉森打吡重振聲威,今次就同大家返到去古摩亞嘅主場愛爾蘭,睇吓今屆嘅愛爾蘭打吡,係咪都係岳家軍嘅天下?
今次愛爾蘭打吡嘅岳家軍箭頭,相信都會落咗喺「南加名城」身上,呢匹應屆葉森打吡季軍,上年兩歲嘅時候就已經喺法國贏一級賽,實力當然唔需要懷疑啦,而佢今年兩場表現亦都相當對辦,因為復出即贏已經成為古摩亞近年一級賽冠軍嘅異數,上場挑戰葉森打吡亦都跑到第三名,今次返到嚟自己主場,可唔可以成功補中成為古摩亞陣營又一匹打吡冠軍?
不過喺葉森打吡有好表現嘅其實唔只「南加名城」一匹,跑贏佢嘅亞軍「和氣」今次亦會作客愛爾蘭,再同前駒一較高下。上場「和氣」以次熱門身分出戰,加上賽前早已經證明過長力,所以最後都一度以為可以追到「名戰古城」,可惜都係功虧一簣。不過今次決定原裝配搭嚟跑愛爾蘭打吡,可唔可以再度揮低「南加名城」成為一級賽冠軍?
上面兩匹葉森打吡三甲馬睇落好似已經主宰晒大局,究竟仲有冇邊啲黑馬伏兵可以侍機搗亂大局?既然話愛爾蘭係岳家軍嘅主場,當然就要睇埋「南加名城」以外嘅其他古摩亞陣營參戰馬啦!
「貴爵廣場」出道到而加其實都只係跑咗四場,但未甩過前三,而且由1600米到2500米都得,本身仲贏埋三級賽,反映實力都有返咁上下,雖然上場跑車士達銀瓶輸咗比廐侶「行動綱領」,但嗰次係大幅跳程900米,適應咗一次之後,可唔可以憑住「天文學家」嘅氣量比到上面兩匹馬更大威脅?
要數今年其中一件最旺嘅綵衣,咁就一定要有黃黑三筒兵團啦,由「緋色威獅」到「構想所在」,都已經成為一級賽冠軍,而今年都成為咗愛爾蘭打吡嘅稀客,皆因佢哋將會派出「大祭典」呢匹新兵參戰。雖然睇賽績只係贏新馬賽,但上場跑2000米都可以輕鬆彈甩對手8個馬位贏馬確實唔簡單,話晒佢老豆係「海都之星」哩半應該冇問題,呢件黃黑戰衣又會唔會再次帶比大家驚喜?
仲未計古摩亞呢場嘅其他參戰馬,有啲都潛力未見底,究竟今屆愛爾蘭打吡,最後會由岳家軍繼續壟斷,抑或客軍可以挑戰成功?兩位主持又點睇呢場賽事?即刻去片睇吓啦!
========================================================
Facebook : facebook.com/RacingHotTalk
IG:instagram.com/racing.hot.talk/
========================================================
All credit goes to original owners for any videos or photos used in this channel.
#港馬攻略RacingHotTalk #香港賽馬 #賽馬 #海外賽馬 #愛爾蘭賽馬 #愛爾蘭打吡 #卻拉馬場 #南加名城 #和氣 #貴爵廣場 #大祭典 #爽到極 #文化源流 #IrishDerby #CurraghRacecourse #LosAngeles #AmbienteFriendly #GrosvenorSquare #Matsuri #Euphoric #TheEuphrates
Негізгі бет Спорт 《港馬攻略》EP266 - 大賽論戰攻略:愛爾蘭打吡2024
Пікірлер: 4