古天樂和大哥洪金寶在新片《九龍城寨.圍城》中,有不少對打場面,今日(30日)進行開鏡活動,二人跟任賢齊、林峯、劉俊謙、黃德斌、胡子彤、伍允龍、張文傑等片中演員都有出席,新片講述八十年代的香港,在九龍城寨中雲集多位隱世高手。
古天樂期待跟大哥合作,「係呀,我未同大哥對打過。」旁邊的洪金寶笑說:「打過你就知啦!哈哈哈!」被問到跟洪金寶對打,是否夢想之一?古天樂說:「係呀,俾佢打係夢想之一。」有在場人士問會不會就住大哥嚟打?古天樂即說:「嘩,講啲咁嘅嘢!(就住俾大哥大打?)咪係。」
洪金寶笑稱,最遺憾是在片中沒床上戲。古天樂即說:「有有有有有!有一場你喺床上突然醒咗,見到我坐喺床邊,真係有!不過我哋係敵對嘅。」
古天樂指,拍這部戲好開心,「因為好難得,成個九龍城寨分別喺兩個場地,搭咗兩個景,佢哋做得好細緻,譬如舊雜誌、電視等,電視有廣告播,係舊時啲廣告,每日坐喺現場都好享受,會攞啲雜誌嚟睇,睇番以前80年代嘅娛樂圈係點,個感覺好唔同。」
古天樂自言睇港產漫畫長大,「今次拍呢部戲係改編我哋嘅港產漫畫,情感係特別唔同。」
《九龍城寨.圍城》是大製作,古天樂有份令電影成事,今次用上很多年輕演員。他說:「係呀,我覺得香港需要多啲年輕、有活力嘅演員,同埋呢部戲都幾多打戲。」
洪金寶久未拍片,被問到甚麼促使再拍動作片,他戲言:「畀錢,最緊急製作單位肯畀錢,我咪出嚟做囉。」老婆會否好擔心?「少少啦,人多嘅地方就少少啦!不過好難得喇,冇得講呀!你睇香港電影咁耐以來,邊度有一部咁大嘅電影係純粹講香港,依家通常都係國內合拍片,依家呢部戲純粹講香港嘅故事,好多都係香港嘅演員,同埋喺百毒之日(指疫情),仲有戲開,呢個係好難得㗎!」
新片由《殺破狼》、《西遊記》系列的導演鄭保瑞執導,洪金寶表示跟他合作過多次,「佢開到聲,仲畀埋錢,梗要嚟啦!」
大哥對九龍城寨亦有好多回憶,他6、7歲時,已經入九龍城寨。「當時跟住阿公入去打麻雀,所以九龍城寨畀我回憶好多。」
拍戲期間,古天樂每日只食1餐,大哥則食兩餐,以最佳狀態上陣。
#古天樂 #洪金寶 #娛壹
----------------------------------------------------------
即刻跟住Follow 晒我哋Channel:
FB: fb.me/as1hk.ent...
IG: / as1.entertainment
YT: / @as1.entertainment
Негізгі бет 古天樂訪問︱同洪金寶對打 仲有「床上戲」:俾佢打係夢想之一(
Пікірлер: 69