#киноәлемі #киношолу #казакшакино
Кино Әлемі / Кино Шолу / Кыска шолу
Фильм: Рога (2013)
Киноның басты кейіпкері Иг өз ас үйінің еденінде оянады. Қасында ішімдіктің босаған шөлмегі жатыр. Жігіт терезеден қарағанда үйінің алдында адамдар тұрады. Олар қолдарына «Қылмыскер» деген плакаттар ұстап алған. Сондай-ақ, баспасөз қызметкерлерінің автобусы да көрінеді.
Мәселе мынада болатын. Жақында Игтың қызы Мэриан біреудің қолынан қаза тапқан. Ал күдіктің бәрі жігітіне түсті. Ол ата-анасының үйіне келеді. Әкесі журналистермен сөйлеспеуге және ештеңені мойындамауға кеңес берді. Бұны көңіліне алған Иг шынында да кінәлі емес екенін айтып ашынды. Сондықтан жасыратыным жоқ деп ағынан жарылды.
Кешке қала тұрғындары мен Мэрианның жақындары оның жан тапсырған жеріне шамдар мен гүл шоқтарын апарып, аза тұтады. Олар тарағанда ішімдікке тойып алған Иг ашуға мінеді. Дева Марияның мүсінін сындырып, майшамдарды өшіреді. Бармен Глена әдепсіздік жасап жатқан жігіттің үстінен түседі. Қарғысқа ұшырайсың деген барменге Иг былай дейді: Мэрин Құдайға сенді. Апта сайын құлшылық етуге барып тұрды. Бірақ бұл оны өлімнен құтқармады деп ызаланды.
Гленамен түн өткізген кейіпкеріміз таңда ұйқыдан тұрып, айнаға қарайды. Міне қызық! Маңдайында кәдімгі мүйіз пайда болған. Ал бармен қыз өзін біртүрлі ұстайды. Бір қорап бөлкені жеуге бола ма деп сұрайды. Рұқсат бергеннен кейін шыныменде барлығын түгелдей жеп қояды. Ол еркектер мас болғанда ғана онымен уақыт өткізетінін айтып, салмақ қосудан қорықпаймын деді.
Иг проблемасын көрсету үшін емханаға жол тартады. Кезек күтіп отырғанда қызы жылай берген бір әйел оны сабап тастағысы келетінін айтады. Күйеуімен ажырасып, көңілдесімен кетіп қалғысы келеді екен. Мұндай ашық әңгімені түсінбей қалған ол тезірек қағаздарды тапсыру үшін қабылдау қызметкеріне барады. Ол да тынымсыз баласы бар әйелге ұрысқысы келетінін айтты. Игтің өз еркіңіз білсін дегені сол еді, ханымдар керісе кетті. Оларды айыруға тырысқан жігіт көкбет әйелдің қолынан ұстап қалғанда оның көңілдесімен төсектес болған сәттері көз алдына келеді. Бұл аз болғандай, кішкентай қыз өзінің анасын өртеп жіберуді ойлап жүргенін жайып салды.
Анықтап қараған дәрігер мүйізді көрсе де, оның қатты көзге түсіп тұрмағанын айтты. Тіпті жоқ сияқты деді. Кенеттен, қатты есірткі шеккім келіп тұр деп айды аспанға бір-ақ шығарды. Өз қызының құрбысын ұнатып жүргенін де жасырмады. Сонымен ота жасауды шешкен дәрігерлер жігітке наркоз салады. Ұйқтап кеткен ол түсінде балалық шағын көреді. Мэрианмен танысып, бәстесу кезінде арбамен суға құлап, батып кете жаздаған. Оны Ли деген досы құтқарған. Досына да Мэриан ұнаған еді. Иг қызбен бірге орманды аралап, ағаштан жасалған үйшіктің ішінде алғаш рет сүйіскен болатын. Содан соң осы жер олардың сүйікті орыны болып кетті.
Наркоздан өзіне келген Иг мүйізінде араның тұрып қалғанын көріп шошып кетеді. Ал дәрігерлер болса дәл осы ота кабинетінде махаббатпен айналып жатыр екен. Айтуларынша, жігіттің өзі оларға рұқсат беріпті.
Амалы таусылған ол шіркеу қызметкерінен ақыл сұрайды. Қарғысқа ұшырағаннан бері жолыққан адамдарым құпиясын ашуда. Одан соң менің айтқан кез келген нәрсемді орындайды деп мән-жайды жеткізеді. Құлшылық жасаушы адам оған асылып қалуға көмек бере алатынын айтады.
Иг осының барлығын жан досы Лиға баяндайды. Алайда ол Игтің басынан ешқандай мүйізді байқамайды. Сыраханаға барған жігітке сонда отырған кісілердің бірі қайғылы оқиғаның куәгері болған даяшы қыз туралы айтады. Кейіпкер көлігіне келіп, сол кеште ұсыныс жасағысы келгенін есіне алады. Ол күні сақина алып, кездесуге келген Игке Мэриан жағымсыз хабар айтқан еді. Қызы оны сүймейтінін және одан әрі байланысты үзетінін хабарлаған болатын. Тауы шағылған жігіт қанша жалынсада, Мэриан шешімін өзгертпеді.
Сюжет қазіргі кезге оралады. Түйіннің жауабын табуға тырысқан Иг даяшы қыздан полицияға неге өтірік айтқанын сұрайды. Даяшы өмір бойы жаңалықтарға шыққысы келгенін және осындай жолмен атақты болуды көздегенін жасырмастан жайып салды.
Негізгі бет Фильм және анимация ЖІГІТТІҢ БАСЫНДА МҮЙІЗ ӨСЕДІ, АЙНАЛАДАҒЫЛАР ЖЫНДЫ БОЛА БАСТАЙДЫ ! КИНО ӘЛЕМІ КИНО ШОЛУ КИНО АЙТУШЫ
Пікірлер: 31