O documental amosa un perfil humano moi ligado á importancia e historia do ferrocarril no sur de Lugo e á memoria. Ao mesmo tempo pretende servir como exemplo de envellecemento activo e de implicación na comunidade local a través da figura do monfortino Germán López Quiroga.
Co fío dunha conversa en tren e no museo do ferrocarril de Monforte, o protagonista fala da súa experiencia como ferroviario e do que significou no ámbito laboral e social, en tempos, a estación e toda a infraestrutura ferroviaria en Lemos.
Aos seus 97 anos segue cultivando a poesía e a a fotografía. Germán repasa tamén as súas publicacións sobre o ferrocarril e sobre a memoria histórica que reivindica a través dun acontecemento de represión acontecido na súa familia. No camiño dos 100 anos reflexiona sobre o mundo actual e sobre unha vellez moi ben levada a través do activismo cultural, a alfabetización dixital e as redes sociais das persoas da terceira idade. Un home que non se baixa do tren da vida e ao que lle gusta gozar dos pequenos praceres do día a día creando comunidade.
Негізгі бет Germán López Quiroga: No tren da vida
Пікірлер