Германияда Қазақстан азаматы Айгүл Сайлыбаеваны өлтіріп кетті. Бұған дейін ол Астананың Сарыарқа ауданында судья болып қызмет атқарған. 40 жастағы әйел Германияның батысындағы Бенсхайм қаласында күйеуі, қызы және енесімен бірге тұрған. 4 маусым күні таңертең Сайлыбаева екі жасар қызы Жаклинді балабақшаға апарды. Содан бері оны ешкім көрмеген. Жексенбі күні оның денесі қала шетіндегі пластик қапшықтан табылды. Неміс басылымдарының хабарлауынша, әйел өлім алдында зорлық-зомбылыққа ұшыраған. Айгүл Сайлыбаеваның қолынан, мойнынан және бетінен пышақ жарақаты табылды. Қазір осы істі ашуға 35 тергеуші жұмылдырылған. Әйелдің үйінде тінту жүргізілді.
«Біз төбелес болған деп пайымдаймыз, әйелге шабуыл жасалған және ол өзін қорғауға тырысқан», - деді тергеуші.
Прокуратура бұл іс бойынша бірде-бір күдікті жоқ екенін айтып отыр. А.Сайлыбаевамен бір мезгілде 49 жастағы енесі Наталья Донцова да жоғалып кетті. 4 маусымда ол немересін балабақшадан үйіне алып келген. Содан бері оны ешкім көрмеді. Қазір 2 жасар Жаклин әкесімен бірге тұрып жатыр.
Опат болған отандасымыздың жақын құрбысы Тоғжан Есенбаеваның айтуынша, Айгүлдің отбасында бала тәрбиесі мен қаржылық мәселелерге қатысты үнемі кикілжің туындап отырған. БАҚ-та қазақстандық әйел тұрмыстық зорлық-зомбылыққа тап болған деп те жазған болатын.
Айгүл Сайлыбаеваның күйеуі Александр Донцов Талдықорғанда дүниеге келген. Оны жақын танитындардың дерегіне сенсек, әлі күнге дейін Қазақстан азаматы. Дегенмен Александрдың сонымен бірге Германия мен Ресей азаматтығы да бар деген ақпарат шықты.
Қазақстаннан Германияға марқұмның інісі Қанат Сайлыбаев барды. Оның айтуынша, ата-анасы Айгүлмен күн сайын хабарласып тұрған. Бір күн хабарсыз кеткен соң, 5 маусымда полицияға хабарлап айтқан осы Айгүлдің туыстары екен. Қанат Сайлыбаев әпкесін Қазақстанда жерлегісі келетінін айтты.
Telegram Qaz - t.me/QazAqparat_kz
Telegram Rus - t.me/kazinform_news
Instagram - / @kazinform_kz
Instagram - / @kazinform
Facebook - / @Kazinform
Facebook - / @Казинформ
Jibek Joly online: jjtv.kz/kk/live
Cайт - kaz.inform.kz/
#kazinform #қазақпарат #Жаңалықтар
Негізгі бет Германия полициясында Айгүл Сайлыбаеваның өліміне қатысты бірде-бір күдікті жоқ
Пікірлер: 6