კავკასიის საერთაშორისო უნივერსიტეტს ღვინის ტურიზმის მსოფლიო ორგანიზაციის პრეზიდენტი ეწვია. ხოსე ანტონიო ვიდალი ენოტურიზმის გლობალური გაერთიანების წევრი საგანმანათლებლო დაწესებულების ხელმძღვანელობას შეხვდა და მათთან ერთად განიხილა მომავალი თანამშრომლობის ძირითადი ასპექტები.
პარტნიორობა ორ მიმართულებას მოიცავს. ერთი მხრივ ეს მოიაზრებს უნივერსიტეტის, როგორც ბიზნეს სუბიექტის ჩართულობას მომავალ აქტივობებში, მეორე მხრივ კი ერთობლივი აკადემიური, საგანმანათლებლო პროექტების განხორციელებას.
ვიზიტის ფარგლებში ღვინის ტურიზმის მსოფლიო ორგანიზაციის წარმომადგენლებმა დაათვალიერეს კავკასიის საერთაშორისო უნივერსიტეტის ბიბლიოთეკა, მულტიმედია ცენტრი, ბიზნესისა და მევენახეობა-მეღვინეობის ფაკულტეტის მატერიალურ-ტექნიკური ბაზა, ლაბორატორიები, მარანი ,,კოლხი“ თავისი უნიკალური საწნახელით, ქვევრებითა და ენოთეკით.
სტუმრები ადგილზე გაეცნენ უნივერსიტეტის ბაზაზე დაფუძნებული კომპანიის - „ეთნო-ოკამის“ საწარმოო პროცესს, აქ არსებული სივრცეების ტურისტულ ზონად ჩამოყალიბების პოტენციალსა და ქართული მეღვინეობის ტრადიციებს.
კავკასიის საერთაშორისო უნივერსიტეტი, საქართველოს ენოტურიზმის ასოციაციასთან (GETA) ერთად, ორი წელია რაც ღვინის ტურიზმის მსოფლიო ორგანიზაციის წევრია. აღნიშნული პარტნიორობა ენოტურიზმის მენეჯმენტის მიმართულებით კვლევებისა და სასწავლო პროგრამების განხორციელებას ითვალისწინებს. ამას გარდა, ურთიერთთანამშრომლობა ხელს უწყობს საქართველოს, როგორც ღვინის ტურიზმის ერთ-ერთი გამორჩეული დანიშნულების ადგილს პოპულარიზაციას მსოფლიოს მასშტაბით.
Негізгі бет ღვინის ტურიზმის მსოფლიო ორგანიზაციის პრეზიდენტი CIU-ში
Пікірлер