🌹በስመ አብ ወወልድ ወመንፈስ ቅዱስ አሐዱ አምላክ አሜን።
''ነገር፡ግን፥ኢየሱስ፦ሕፃናትን፡ተዉአቸው፥ወደ፡እኔም፡ይመጡ፡ዘንድ፡አትከልክሏቸው፤መንግሥተ፡ሰማያት፡እንደነዚህ፡ላሉ፡ናትና፥አለ፤'' (ማቴ፦19፥14)
✨ በትላንትናው ዕለት ማለትም በዕለተ ሰንበት (ገብርኄር) የጽርሐ ጽዮን ሰንበት ተማሪዎቻችን ሕፃናት ክፍል ወደ መናገሻ ገነተ ጽጌ ቅዱስ ጊዮርጊስ ቤተ ክርስቲያን አጭር ጉዞ አድርገዋል።
በጉዞውም፦
ጠዋት 3 ሰዓት ስርዓተ ቅዳሴ ከተፈጸመ በኋላውም ወደ መናገሻ ገነተ ጽጌ ቅዱስ ጊዮርጊስ ቤተክርስቲያን ጉዟቸውን አድርገው ነበር። እዛም እንደ ደረሱ የቤተክርስቲያኗ ሙዚየም በመግባት የድሮ የነገሥታትን አልባሳት እንዲውም የ መናገሻ ገነተ ጽጌ ቅዱስ ጊዮርጊስ ቤተክርስቲያን ሲመሰረት መጀመሪያ ይገለገሉበት የነበረው ከራሺያ የተበረከተላቸውን ደወል መመልከት ችለዋል።
እንዲሁም የተለያዩ ጻህል ፣ ጽዋ እና በድሮ ጊዜ ይገለገሉባቸው የነበሩ የወርቅ ጫማ ፣ የወርቅ ልብስ ፣ የወርቅ ንዋያተ ቅድሳትን ፣ በጥንት የተሳሉ ቅዱሳን ስዕላትንና ሌሎች ታሪካዊ ቅርሶችን መመልከት ችለዋል።
እነዚህንም ካዩ በኋላ ምሳቸውን በዛው በመ/ገ/ጽ/ቅ/ጊ/ቤ/ክርስቲያን በልተው ለማስታወሻ የሚሆን ፎቶ ተነስተው ወደ መነሻ ቦታቸው ወደ ሆነው ወደ ጉራራ ቅድስት ኪዳነ ምሕረት ቤተክርስቲያን 9 ሰዓት ሲል በሰላም ተመልሰዋል።
ይህንን ላደረገል ለድንግል ማርያም ልጅ ለልዑል እግዚአብሔር ክብር ምስጋና ይድረሰው። አሜን
ሚያዚያ 6/2016 ዓ.ም
ጽርሐ ጽዮን ሰንበት ትምህርት ቤት
#love #orthodoxtewahdo #duet
Негізгі бет ጉዞ ወደ መናገሻ ገነተ ጽጌ ቅዱስ ጊዮርጊስ ቤተክርስቲያን
Пікірлер