Хөгширч хорвоог туулах нь БЭЛЭГ юм. Дээр нэгэн залуу надаас: - Хөгшин байх ямар байна гэж асуусан юм. Би өөрийгөө хөгшин гэж боддоггүй байсан болохоор энэ асуултад их гайхсан. Тэр миний царайг хараад эвгүй болсон ч би сонирхолтой асуулт байна гэж тайвшрууллаа. Тэгээд нилээд эргэцүүлсний эцэст би хөгшрөх нь бэлэг юм байна гэж дүгнэсэн.Заримдаа би толинд өөрийгөө хараад гайхдаг ч нэг их санаа зовдоггүй. Би өөрт байгаа бүхнээ буурал үснээс салах, хавтгай гэдэстэй болохоор солихгүй. Ороо зассангүй, амттан идлээ гэж өөрийгөө зэмлэдэггүй. Жаахан замбараагүй байх, үрэлгэн байх, цэцгээ ширтэн юу ч хийхгүй цагийг өнгөрөөх эрх надад байгаа.Хайртай олон найзууд маань энэхүү эрх чөлөөг эдлэхээсээ өмнө хорвоог орхихыг би харсан.Өглөөний 4 цаг хүртэл ном уншиж, компьютер ширтэж байгаад өдөр хэдэн цаг хүртэл унтах нь хэнд хамаатай юм бэ?Ганцаараа 50, 60-аад оны хэмнэлээр бүжиглэнэ. Тэгээд дараа нь алдсан хайрынхаа төлөө уйлмаар байвал... би уйлж болно!Хүмүүсийн өрөвдмөөр харцыг үл хайхран бикини өмсөн унжсан махлаг биеэрээ усны хувцастай далайн эргээр алхаж, далайн давалгаанд шумбах болно. Тэд ч бас хөгширнө, аз таарвал...Олон жилийн туршид хайртай хүнээ алдах, үр хүүхдийнхээ шаналах, хайртай амьтнаа үхэхийг хараад зүрх сэтгэл минь өвдөж байсан нь үнэн. Гэхдээ зовлон зүдгүүр л бидэнд хүч чадал өгч, бид улам тэсвэр тэвчээртэй, эрч хүчтэй болдог. Зовлон үзээгүй зүрх төгс бус байхын аз жаргалыг хэзээ ч мэдэхгүй.Нүүрэн дээр минь гүн үрчлээ гарч үс минь буурал болсон ч залуу насны минь инээмсэглэл хэвээр байгаад би бахархалтай байдаг.Одоо асуултанд чин үнэнчээр хариулахад Би хөгшин байх дуртай, учир нь хөгшрөлт намайг илүү ухаалаг, илүү эрх чөлөөтэй болгодог!Би мөнх биш ч энд байх хугацаандаа өөрийнхөө хууль, зүрх сэтгэлийнхээ хуулиар амьдрах болно.Би болоогүй зүйлдээ харамсахгүй, юу болох бол гэж санаа зовохгүй.Үлдсэн хугацаанд би амьдралыг өнөөдрийг хүртэл хайрлаж байсан шигээ хайрлаж, үлдсэнийг нь Бурханд даатгах болно.Лунита 🌙
- 10 ай бұрын
Хөгширч хорвоог туулах нь БЭЛЭГ юм⚘⚘⚘
- Рет қаралды 78
Пікірлер