الشباب هاد الفيديو إقدر إشوفوه بزاف ديال الناس، داكشي علاش ضروري تقرى هادشي لي غنقول ليك قبل متشوفو أولا من بعد متشوفو؟
هاد زوج مغاربة لي شاركو معكم التجربة ديالهم، واحد جاب فالباك 10،03 ولاخور 10،39، بزوج دارو التكوين فالمغرب، واحد دار إليكتروميكانيك ولاخور دار مانتونونص. جربو إخدمو فالمغرب ولكن مكانوش من المحظوظين لي حصلو على خدمة فالمستوى لي ممكن تطور فيها راسك، ظروف العمل كانت عندهم صعيبة والصالير قل من الحد الأدنى. هادشي كان الدافع ديالهم باش إقلبو على مستقبل أحسن. هنا بداو الرحلة ديالهم نحو ألمانيا ولي دات ليهم عاماين، كين لي كيمشي من بعد عام وكين لي كيتعطل كثر، وكين لي كيتخلى على الحلم ديالو وسط الطريق وكيرجع لنقطة الصفر. كلشي ممكن إمشي، ولكن لي كيمشي هو لي عندو الصبر والمثابرة ولي كتبدى فتعلم اللغة، مرورا بالاعتراف، التقلاب على خدمة حتى الحصول على الفيزا. نتا لي غتحدد واش غتمشي وإمتى غتمشي، كلشي عليك، حقاش شفنا جميع البروفيلات مشاو، مول 10 و مول 19، مول 20 عام ومول 40 عام، لي معلم ولي مكيعرف والو، بالتالي حتى نتا ممكن تمشي، ولكن خاصك، نعودها مرة أخرى، الصبر والمثابرة.
ومني إسهل عليك الله وتمشي، تتعلم من الماكينات، شرب منهم (ماشي معهم) وديك الساعة، ممكن تولي نتا، هاداك الخبير، لي كيعيطو عليه فالمغرب من ألمانيا وكيخلصو عليه كلشي باش إحل ليهم مشكل. إلا تعلمتي، نتا لي غتفرض، الصالير وظروف العمل ديالك، سواء، إلا بقيتي فألمانيا أو إلا رجعتي لبلادك باش تزيد بيها للقدام.
فهاد الفيديو هشام و بيكينباور غيشاركو معكم،
كيفاش جاتهم الفكرة إمشيوا لألمانيا؟
كيفاش قراو اللغة الألمانية؟
كيفاش دارو الاعتراف؟
كيفاش دفعو للشركات؟
كيفاش دوزو المقابلة المهنية؟
كيفاش حصلو على عقد العمل في ألمانيا؟
كيفاش دارو التسريع؟
كيفاش حصلو على الفيزا؟
كيفاش بدى الخدمة؟
شنو المزايا لي عطاو لهشام؟
الصعوبات لي لقى هشام فاللول؟
كيفاش عطاوه مشروع كبير، إخدمو راسو فقط من بعد شهر؟
الفيديو فيه كثر من ساعة، كلو إفادة، مشروح فيه، الخطوات كيفاش تحقق الحلم ديالك راسك. المركز ديالنا مختص فتقديم دروس اللغة الألمانية، وبالموازاة معهم كيقدم حصص توجيهية وتدريبية كتوريك كيفاش تلقى عقد تكوين مهني، قبول جامعي أو عمل فألمانيا 🇩🇪
لي باقي عندو شي سؤال، إخليه فالتعليقات أسفله. بالتوفيق
Said Hougga | Instagram: / said.hougga
German Training Center
المركز الألماني للتدريب
Angle boulevard Abdelmoumen et boulevard Anoual Abdelmoumen Center, 5 ème étage - Bureau 509, Casablanca 20000
goo.gl/maps/s7gbtpAVfMRYxe7c9
Tel.: 06 14 03 99 11
wa.me/message/WNI3XSWQXGOAE1
Instagram: @german.training.center
Facebook Group:
facebook.com/groups/Marok...
Негізгі бет Тәжірибелік нұсқаулар және стиль ها كيفاش حصلنا على فيزا عمل فألمانيا بديبلوم التكوين المهني ديال المغرب وبصالير ناضي!
Пікірлер: 135