Қазақстан Республикасының Тәуелсіздік күні мен Жаңа жыл қарсаңында «Халық» қайырымдылық қоры игі дәстүрін жалғастырып, «Ел тірегі - Елбасы» атты ауқымды қайырымдылық акциясын бастады. Азық-түлік себеттері аз қамтылған, көп балалы отбасыларына, сондай-ақ ерекше қажеттіліктері бар балалы отбасыларына таратылады. Толығырақ Өмір Серікбекұлы тарқатсын.
Жанар Ерматова көпбалалы ана. 10 жастағы тұңғыш ұлы сал ауруына шалдыққан. Жалғыз өзі 4 баланы асырап отыр. Жақында кішкентайларын балабақшаға беріпті, алайда ақшасын төлеу қиын болған соң қайта шығарып алған. «Халық» Қайырымдылық Қоры осындай қиын кезде қол ұшын созып, жанымнан табылады дейді Жанар.
ЖАНАР ЕРМАТОВА, көпбалалы ана:
- Үлкен рахмет. Бізге сол әлеуметтік қор орталығынан бізге осындай демеушілерді жіберіп тұрады. Барлығына алғысым шексіз.
«Халық» қайырымдылық қоры миллион килограмнан астам азық-түлікке 520 миллион теңге бөлген. Азық түлік себеттері желтоқсан айында республика бойынша 20 мың отбасына таратылады. Қор өкілдері мұқтаж жандармен жылулықпен бөлісу өте маңызды - көрсетілген көмектің арқасында қиын жағдайға тап болғандар да мерекелік көңіл-күйді сезеді, дейді.
ӨМІР СЕРІКБЕКҰЛЫ, тілші:
- Бір отбасына 3 қораптан қарастырылған. Оның жалпы салмағы 50 килограмды құрайды. Ал, оның ішінде май, қарақұмық, күріш, бұқтырылған ет, ұн, шай және кәмпиттер жиынтығы бар.
ДАНАРА ҚАРСАҚБАЕВА, ерікті:
- Әр күн сайын біз көмекке мұқтаж отбасына азық-түлік таратамыз. Үй иелері мұндай жылулыққа дән риза болады. Балаларының қуанғанын көрген бір бақыт. Осындай маңызды игі іске қатысқаныма қуаныштымын.
«Халық» қорының акциясына мыңға жуық ерікті жұмылдырылған. Әлеуметтік маңызы бар «Ел тірегі - Елбасы» атты акциясы осымен екінші жыл өткізіліп отыр. Өткен жылдың сәуір мен шілде айы аралығында он мыңдаған жанұя көмек алды. Осы кезеңде жалпы салмағы 4 миллион килограмнан асатын азық-түлік 80 мыңнан артық жанұяға таратылған.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
Негізгі бет Халық» қайырымдылық қоры ауқымды қайырымдылық акциясын бастады
Пікірлер: 9