ЕР, АЗАМАТТАР мен ЖЕҢІС КҮНІ ТУРАЛЫ
Бүгін Отан қорғаушылар күні. Осы фб-да қыздардан гөрі, достығымда ер адамдар көп. Себебі бұл менің патриархат отбасында тәрбиеленген тартылысымның әсерінен болса керек. Патриархат дегенде әйелді адам құрлы көрмейтін діни тәрбие емес, ер адамды жоғары қойған қазақы тәрбие.
Бала күнімде аулада кілең ұл баламен ойнайтынмын. Себебі қыздар үйлерінде көзі көкшиген қуыршақпен ойнап отыратын. Ал мен “қып-қызыл ақшаға әперген” форма-фартук кигізген қуыршақтың бұтын бұт, қолын қол қылып бұзып, шалшыққа лақтырып тастап, үйге сыймай, әжем құйып қоятын бір кесе айранды төңкеріп тастап, далаға кететінмін. Содан күн батқанда, өрістен мал қайтқанда бірақ оралатынмын.
Қамыс арасынан құстардың жұмыртқасын түртіп, жасырынып қаламыз. Дереу құстың сезімталдығы сол, ұясын көшіре бастайтын. Өзеннің терең жеріне малтып барып, түйетабан жапырақтың тамырынан моншақ тағып, тұңғиық гүлді иіскеп қайтатынбыз.
Біз телефонға телмірген зомби болған жоқпыз, біз табиғатпен дос болдық.
Ұл балалар ұрсуды білмейді, келіспесек ұрып қалады, салып қалатын. Сөйтіп мен олармен күресіп өстім. Тал түбінде нағашы әжем отырып алып, “ұл баламен ойнама” демейтін, керісінше “Аяма, шықшыттан пер, Дәбидің ұлының желкесін үз, өлтір, жамбасқа сал” деп жанкүйер болып отыратын😃.
Сондықтан менің мінезім тік болып ұлдарға ұқсап кеткен. Арамдығы көп, ошақ басындағы бықсық оймен тәрбие алғаным жоқ. Сол жағынан келгенде қулық сұмдықты меңгерген әйелдердің ортасына түсуден қашамын. Өйткені қатты кетіп жатса, менің тілім емес, қолым бірінші жүгіруі мүмкін)
Кейбір қатынбасша, тыңшылықпен айналысып жүрген екі сөйлейтін еркекті көргенде, “мойның бұрап, үзіп алсам ғой, шіркін” деп Фариза апамша экранның артында отырып, армандап кететін сәттерім аз емес) Қыз болсамда намысты етіп жаратқан Тәңіріме Алғыстан басқа айтарым жоқ. Әрине бүгін сарбаз сапындағы қыздардың да мерекесі. Қазақтың қыздары да батыр, алайда жігіттердің салмағы басымдау ғой.
Менің нағашы әжем тылда жұмыс істеген, ер адамның қадырын сезінген адам еді. “Басынан бал тамған қатын болса да, жаман ердің иті артық” деп отыратын. Көрші үйге айттап барса ең керемет кәмпиттерді іріктеп алып, ағама беретін де, қалғандарын “сендер қызсыңдар, мә алыңдар” деп лақтыра салатын. Айдаладағы біреудің келіні ұл туса “бәтшағардың келіні ұл туғаның көрмейсің бе” деп сүйсініп отыратын. Соның бәрі соғыстың қасіретін тартып, ерлердің қызметін атқарып, еңбек етіп, олардың қадырын түсінгендіктен айтқан екен ғой. Әйтпесе сол жігіттерді биіктеткенде менің данышпан әжетайым сол мақтап отырған жігіттің бір күні бір қыздың есігін андып жүретінің білмей қалған жоқ қой)
Жауына сүйемдей жер бермей, әлемде жер көлемінен бірінші ондыққа кіретін Қазақ даласын батыр бабаларымыз көздің қарашығындай сыйға тартты. Келер ұрпақ сол аманатты адалынан орындаса екен деймін. Билікке салса бәрін сатып құрту, алайда жерді иесі - батыр халықтан қаймығады. Онсызда біраз жер латифундистердің қолында жалда тұр.
Аталарымыздың ерлігі кейінгі ұрпаққа үлгі болып, отаның, жерін қорғаса деймін. Әрине батыр тұлғалы адамдар да арамызда жоқ емес. Сондай батыр да есті адамның бірі - Даулет Аягузский ағамыз. Қаңтар оқиғасында оқ тиіп, жараланған батырлардың бірі. Арбаға танылса да елге көмектесіп, айналасына шапағаты тиіп, қара халықтың мұн зарын шешіп, қарапайым қасиетінен танбаған адам. Осындай батыр тұлғалы, әділетті адамдар билікте отырса еліміз гүлденер еді. Сондай-ақ қоғамның санасын сауатсыздықтан, надандықтан өзгертуге күш салып жатқан тәңіршілерге де ризамын. Олар қазақты өз негізіне оралту үшін, қазақ өзгені әулие көрмес үшін үлкен орасан ақпараттық игі іс атқарып отыр. Бірі - философ, бірі - күрескер, бірі - әнші, термеші, бірі - саясаткер, бірі - тарихшы, бірі - зерттеуші. Әр түрлі миссиямен қоғамға өз пайдасын тигізіп отыр.
Мәселе әскерге баруда емес, мәселе намыста, ұлттық тәрбиеде болып тұр. Қазір соғыс жүргізу методикасы өзгерген, фашизмге ел күле қарайды. Есі дұрыс ел қарумен соғыспайды. Ол өз күшіне емес, қаруға сенген қорқақтың ісі. Гитлердің оқиғасы Ақ сарбаз ата айтқандай тарихта Путиннің Украйнаға басқыншылық жасауымен қайталанып отыр. Қайталанғаны сонша 1941 жылы Мәскеу түбінде орыс қысы қатты болды, биылда қыс қатты болып қайталанды. Мұны ол кісі өзі ашқан Ғарыш заңдарымен тарихты саралай отырып, қасиетті тұлға - Ақ сарбаз ата өзі түсіндіріп берді. Қазір фашизмге әлемнің дені қарсы. Қазір рухани мүдде, экономикалық ахуал, ғылым-білім қарыштап дамуда.
Бөлетіні жоқ, әлемге Жұбатушы болып келген Ақ сарбаз атамды, достығымдағы әкелер мен ағаларды, замандастар мен інілерді бүгінгі мерекелерімен құттықтаймын.
Егемен елімізде тек тыныштық заман болып, тәуелсіздігіміз баянды болсын.
Негізгі бет Хамитбек МҰСАБАЕВ - Кештік бастан бізде соғыс зардабын
Пікірлер: 4