#sheriyat
#Alisher #Nazar
#Firdavs
Har ne oʻtdi, ichimga yutdim...
Yutaverdim... Va toʻldim lim-lim.
Endi toshib boraman, qara
Axir Ayyub emasman, Tangrim.
Koʻzlarimga sanchilar kunlar,
Kechalarning sharobi taxir.
Men Yunusdek ketolmam bundan,
Qutqarguvchi baliq yoʻq axir!
Har ne bor-ki uning amrida,
Shamollar ham tinglar edi jim.
U Sulaymon edi... mening-chi,
Oʻzimga ham yetmaydi kuchim.
Aylanar besamar umrimda,
Majruh yillarning ingroq sasi.
Men dunyoga choʻkib boryapman,
Kelmaydimi Nuhning kemasi?
✍Alisher Nazar
@Ijod_sehri
Негізгі бет "Har ne oʻtdi ichimga yutdim..." - Alisher Nazar | Firdavs Shokirxoʻja oʻqidi
Пікірлер: 1