HASHAROTLARNING ICHKI TUZILISHI - YASHIL BRONZA QO'NG'IZI | ҲAШAРОТЛAРНИНГ ИЧКИ ТУЗИЛИШИ ЯШИЛ БРОНЗA ҚЎНҒИЗИ.
Hazm qilish sistemasi. Yashil bronza qo‘ng‘izi o‘simliklar guli, yosh barglari va yetilmagan mevalari bilan oziqlanadi. Qo‘ng‘iz o‘tkir yuqori jag‘lari yordamida o‘simlik to‘qimasini uzib olib, pastki jag‘lari bilan chaynab maydalaydi. Ana shunga o‘xshash qattiq oziqni chaynashga moslashgan og‘iz organlari kemiruvchi hisoblanadi. Oziq og‘iz bo‘shlig‘ida so‘lak bilan aralashadi va qisqa halqum orqali qizilo‘ngachga, undan muskulli oshqozong a tushadi (44-rasm). Oshq ozonda ezilgan oziq ichakka o‘tadi. Ichakda oziq hazm bo‘ladi. Hazm bo‘lmay qolgan oziq qoldiqlari orqa chiqaruv teshigi orqali tashqariga chiqarib yuboriladi.Hasharotlar og‘iz organlari har xil tuzilgan. Qattiq o‘simlik va hayvonlar to‘qimalari bilan oziqlanadigan hasharotlar (qo‘ng ‘izlar, chigirtkalar, chumolilar, beshiktervatarlar)ning og‘iz organlari yashil bronza qo‘ng‘izinikiga o‘xshash kemiruvchi bo‘ladi. Suyuq oziq (o‘simlik shirasi, gul nektari, qon) bilan oziqlanadigan hasharotlarning og‘iz organlari uzun va ingichka xartumchadan iborat.Qon aylanish sistemasi hamma bo‘g‘imoyoqlilar singari ochiq bo‘ladi. Qoni tana bo‘shlig‘ini to‘ldirib turadi. Ichki organlari va to‘qimalari qon suyuqligida joylashgan. Qondagi oziq moddalar to‘qimalarga o‘tadi, to‘qimalardan esa moddalar almashinuvining oxirgi mahsulotlari qonga chiqariladi. Hasharotlarning qoni nafas olishda ishtirok etmaydi, ya’ni kislorod tashimaydi. Yuragi qorin bo‘limida, ichagi ustida tana bo‘ylab joylashgan muskulli naychadan iborat. Yurakdan bosh tomoniga qarab bitta qisqa qon tomiri ketadi. Bu tomirning uchi tana bo‘shlig‘iga ochiladi. Yurak qisqarganida qon yurakdan ana shu tomir orqali bosh tomonga haydaladi va u yerdan tana bo‘shlig‘iga kelib quyiladi. Yurak kengayganda esa qon
tana bo‘shlig‘idan yurakning ikki yonidagi teshikchalar orqali uning
ichiga o‘tadi.Nafas olish sistemasi tana bo‘shlig‘ida joylashgan juda ko‘p
shoxlangan ingichka naychalarga o‘xshash traxeyalardan iborat.
Havo qorin bo‘limida joylashgan tashqi nafas olish teshiklaridan
naychalarga o‘tadi. Naychalar orqali hamma tana organlariga yetib
boradi. Traxeya naychalaridagi havo qorin muskullarining dam-ba-dam qisqarishi tufayli almashinib turadi. Ayirish sistemasi qorin bo‘shlig‘ida joylashgan ingichka va uzun malpigi naychalaridan iborat. Naychalarning bir uchi berk, ikkinchi uchi esa ichak bo‘shlig‘iga ochiladi. Tana bo‘shlig‘idagi qondan malpigi naychalariga moddalar almashinuvi mahs ulotl ari o‘tib, naychalar bo‘shlig‘ida kristallanadi va ichak bo‘shl ig‘iga o‘tib, undan
oziq qoldig‘i bilan birga chiqib ketadi.Nerv sistemasi boshqa bo‘g‘imoyoqlilarnikiga o‘xshash bo‘lib, halqum atrofi nerv halqasi va qorin nerv zanjiridan iborat. Boshdagi juda ko‘p nerv hujayralari qo‘shilib, bosh miyani hosil qiladi. Bosh miyadan hamma sezgi organlariga nervlar chiqadi. Murakkab fe’l-atvorga ega bo‘lgan arilar va chumolilarning bosh miyasi va
nerv tugunlari boshqa hasharotlarnikiga nisbatan kuchli rivojlangan.
Hasharotlarning murakkab xulq-atvori va sezgi organlarining rivojlanganligi nerv sistemasi bilan bog‘liq.Sezgi organlari. Hasharotlar ko‘zining tuzilishi daryo qisqichbaqasinikiga o‘xshash. Ko‘pchilik hasharotlar rangni, ayniqsa, hidni juda yaxshi sezadi. Ayrim kapalaklarning erkagi urg‘oc hisining hidini 11 km masofadan sezgan va uchib kelgan. Has har otlar ta’mni ham yaxshi farqlay oladi. Ko‘pchilik hashar otlar (chirildoqlar, temirchaklar, jizildoqlar)da ovoz chiqarish va eshitish organlari ham bor. Hasharotlar tanasidagi va mo‘yl ovlaridagi har xil tuk teri sezgi organlari hisoblanadi.
1. Hasharotlarning og‘iz organlari qanday tuzilgan?
2. Hasharotlar yuragi qanday tuzilgan?
3. Hasharotlar qanday nafas oladi?
4. Ayirish sistemasi qanday tuzilgan?
5. Nerv sistemasi qanday tuzilgan?
6. Hasharotlarda qanday sezgi organlari rivojlangan?
Kemiruvchi, so‘ruvchi, sanchib so‘ruvchi, malpigi naychalari, bosh miya, teri,
sezish organlari.
Yangi bo‘lsangiz kanalimizga obuna bo‘lishni unutmang!
👍Layk tugmasini bosishni unutmang !
🔥Ajoyib kommentlaringizni qoldiring...
Kuningiz xayrli o‘tsin!
Hurmat ila BIOLOGUZ
►ТЕЛЕГРАМ КАНАЛИМИЗ: t.me/uzbiolog
►Хамкор Каналларимиз: t.me/zveruz - Android Ilovalar Kanali.
►Хамкор Каналларимиз: t.me/zvermusic - Ommabop Musiqalar.
►Хамкор Каналларимиз: t.me/zverclip - O'zbek Original Kliplar Olami.
►Хамкор Каналларимиз: t.me/zverremix - Remix Musiqalar.
#hasharotlarichkituzilishi #uzbiolog #biologuz #yashilbronzaqongizi #bronzaqongiz #hazmqilishsistemasi #qonaylanishsistemasi #nafasolishsistemasi #Ayirishsistemasi #nervsistemasi #Sezgiorganlari #jizildoqlar #kapalaklar #qongiz #chigirtkalar #chumolilar #beshiktervatarlar #yashilbronzaqongizi #kemiruvchilar #muskullinaycha #tillaqongizlar #biologiya #zoologiya #botanika #onlinedars #videodarslar #oliytalim #oquvmarkazi #onlinetalim #education #oquvqollanmalar #fanlarmajmuasi
Негізгі бет HASHAROTLARNING ICHKI TUZILISHI - YASHIL BRONZA QO'NG'IZI | ҲAШAРОТЛAРНИНГ ИЧКИ ТУЗИЛИШИ.
No video
Пікірлер: 23