Hayitlik
Siniq edi ovozing, momo,
bormadim. Bilaman mehring gʻanimat.
Yashirmoq boʻlasan yigʻingni, ammo
singan yuraklarni yaxshi taniyman.
Axir maydalanib ketdi doʻstlarim,
ishonch - oʻlik.
Oʻnga yursang-chapga yursang ham
mozordan oʻtarkan shoirning yoʻli.
Istaysanki, yozsam quvnoq qoʻshiqlar,
gʻam urmasa doʻq.
Chuvalib qolganman boʻshliqqa -
baxtli odam haqda tasavvurim yoʻq.
Qiynadim.
Musichani chertib boʻlurmi?
Sogʻinching oldida hayotim - hubob.
Bahor. Roʻza. Bormadim. Ogʻir.
Iltimos,
hayitlikka tabassum yubor!
Siniq edi ovozing, momo...
Jontemir
@Jontemir_t
Негізгі бет Hayitlik - Jontemir she'ri | Firdavs Shokirxo‘ja o‘qidi
Пікірлер