كلمات الشاعر
فهد بن شيبان الحبسي
الكلمات ::
هب نسناس من دار الينوبي
لطف الجو من تحت السحابه
خط سيره سلك دار محبوبي
وخذ من أطياب زهره وما احتوابه
دار فيها ربى الغر الذروبي
كامل الزين وف بوحه ذرابه
صادني بالهدب قبل الغروبي
آسره نظرة العين وهدابه
ومن لمحت الغلا أمسي طروبي
طربة الشايش لصوت الربابه
وان سلى واختفى ضاعت دروبي
مضيعا دانتا وسط الغبابه
روف بي يالغلا خذني بدوبي
وغير الموجه في وضع استجابه
لانها طلته مثل الهبوبي
نسمته طيب حقل وما زهابه
شوفته فاقت علاج الطبوبي
كل الأعواق أبدت الاستجابه
شلها الشله باللحن العذوبي
شلتن توصله لي عند بابه
Негізгі бет هب نسناس | فرقة الوشاحات الحربية | (حصرياً) 2024
No video
Пікірлер: 5