စစ်ခေါင်းဆောင်ဟောင်းတွေရဲ့ နေအိမ်တွေ စောင့်ကြည့်ခံထားရ (ရုပ်/သံ)
မိုးသောက်၊ ဇူလိုင် ၂၆၊ ၂၀၂၄
ယာယီသမ္မတာဝန်ယူလိုက်တဲ့ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ဟာ စစ်အာဏာရှင်ဟောင်း ဦးသန်းရွှေနဲ့ သမ္မတဟောင်း ဦးသိန်းစိန် အပါအဝင် အကြီးတန်း စစ်ခေါင်းဆောင်ဟောင်းတွေရဲ့နေအိမ်တွေကိုစောင့်ကြည့်ဖို့ မကြာသေးမီက ညွှန်ကြားထားတယ်လို့ ဧရာဝတီရဲ့သတင်းရင်းမြစ်တွေက ဆိုပါတယ်။
နေပြည်တော် ပုဗ္ဗသီရိမြို့နယ်၊ ညောင်ပင်ကြီးစုကျေးရွာအုပ်စုက ခြောက်လုံးတန်းအိမ်တော် တွေလို့နာမည်ကြီးတဲ့ ဗိုလ်ချုပ်မှူးကြီးဟောင်းဦးသန်းရွှေ၊ (သမ္မတဟောင်း) ဗိုလ်ချုပ်ကြီးဟောင်း ဦးသိန်းစိန် ဒုတိယဗိုလ်ချုပ်မှူးကြီးဟောင်း ဦးမောင်အေး၊ ဗိုလ်ချုပ်ကြီးဟောင်း သူရဦးရွှေမန်း၊ ဗိုလ်ချုပ်ကြီးဟောင်း သီဟသူရ တင်အောင်မြင့်ဦးနဲ့ ဒုတိယဗိုလ်ချုပ်ကြီးဟောင်း ဦးတင်အေးတို့ရဲ့နေအိမ် အဝင်အထွက်၊ ဧည်သည်တွေကို စောင့်ကြည့် ကန့်သတ်နေတာလို့ သတင်းရင်းမြစ် တွေကပြောပါတယ်။
စစ်အာဏာရှင်ဟောင်း ဦးသန်းရွှေတန်ခိုးထွားစဉ်ကလည်းသူ့ရဲ့ခေါင်းဆောင်ဟောင်း ဖြစ်တဲ့ ဗိုလ်ချုပ်ကြီးဟောင်းဦးနေဝင်းရဲ့ မြေးတွေ၊ သမီးနဲ့ သားမက်တွေကို အာဏာသိမ်းရန် ကြိုးပမ်းမှု၊ လက်နက်ကိုင် အင်အားစုများ ခွဲထုတ်ရန် ကြိုးပမ်းမှုတွေနဲ့ ၂၀၀၂ ခုနှစ်မှာနေအိမ်အကျယ်ချုပ်ချခဲ့ဖူးပါတယ်။
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: bit.ly/3btQYpR
Негізгі бет စစ်ခေါင်းဆောင်ဟောင်းတွေရဲ့ နေအိမ်တွေ စောင့်ကြည့်ခံထားရ
Пікірлер: 138