غناء: فواد عبدالواحد - عبدالعزيز المعنى - معاذ بقنه
كلمات : عطاالله القحطاني
الحان: عزوف
الكلمات:
تقرب البيداء تحت هذب النجايب
تنطوي طوي الورق لآمن تثنّا
فوقها اللي ما يهابون المصايب
والسباع تحوفهم منّا ومنّا
في ذرى معزي يحثون الركايب
يومها بالسيف والرمح المطنّا
لين سووا بالمعادين العجايب
وأخمرت عقبانها والعز غنّا
ثم تولوها عطيبين الضرايب
أسرتاً مبروكةٍ فينا ومنّا
سيدي سلمان زيزوم النوايب
راعي العوجا على كرسي وطنّا
حوربوا يا أهل المشوّك والحرايب
نحمد الله جاتنا باللي تمنّا
عن يمينه منهو يعسف الصعايب
نادراً هيلع يشيل الحمل عنّا
عزنا محمد مجري كل هايب
مثل ابو تركي ضحا روضة مهنّا
ليثنا الوثاب للعليا سبايب
بعد رب البيت بأسبابه وصلنّا
يالله المعبود ياجزل الوهايب
بأسمك الأعلى بدينا واستعنّا
مرحبا بضيوفنا والكيف طايب
والقلوب من المحبه ترجهنّا
جائزة خادم بيوت الله وهايب
سعد عين اللي له الكآس يتسنّا
ولعوّا الميدان واللي راح غايب
من بغاء النوماس ما هوب يتونّا
حضروا للشوط سدرات الترايب
وسع بيبان القصور نحورهنّا
كل أصيلت عرق منتوبة جذايب
ضامراً سندآ من الفوز أتحنّا
كنّها تركض على متون الهبايب
لآ أقبلن في الماد والاّ عرضنّا
كن زبدها لآ التطم غر السحايب
لآ غشاها من ظفرها تستجنّا
لونها دون الشفق مثل اللهايب
جمرتاً في جوفها النار أسعرنّا
والظفر والفوز يبذل له سبايب
والفخر ما يكسبه من لا تعنّا
Негізгі бет هذب النجايب| كلمات : عطاالله القحطاني | غناء : فواد عبدالواحد - عبدالعزيز المعنى - معاذ بقنه |
No video
Пікірлер: 35