بەرپرسی دەستەی کارگێڕیی مەکتەبی سیاسیی پارتی دیموکراتی کوردستان رایدەگەیێنێت، "ئەم دوورییەی برادەرانی یەکێتی لە پارتی" وای پێدەچێت بیانەوێت جێگرەوەیەک بۆ پارتی بدۆزنەوە و دەڵێت، ئەگەر بافڵ تاڵەبانی و قوباد تاڵەبانی "پەیڕەوی سیاسەتی مام جەلال بکەن، کێشە لەنێوان پارتی و یەکێتی روونادات."
فازڵ میرانی، بەرپرسی دەستەی کارگێڕیی مەکتەبی سیاسیی پارتی دیموکراتی کوردستان لە هەڤپەیڤینێکدا لەگەڵ تۆڕی میدیایی رووداو کە سەنگەر عەبدولڕەحمان پێشکێشی کرد و رۆژی شەممە، 04-03-2023، پەخشکرا، لەبارەی کێشەکانی پارتی یەکێتی و ناکۆکییەکانی ئەو دوو حیزبە لەسەر کورسیی پێکهاتەکان، لاهوور شێخ جەنگی، کێشەکانی یەکێتی لەگەڵ حکومەت، پرسی هەڵبژاردن و چەند بابەتێکی دیکەیش قسەی کرد.
فازڵ میرانی پێیوایە ئێستا کورسیی پێکهاتەکان "گرێکوێرەی" کێشەکانی نێوان پارتی و یەکێتین و باس لەوە دەکات "ئێمە پێمان باشە لەوە زیاتر ئێمە و یەکێتی لەسەر پێکهاتەکان نەبینە بڕیاردەر، نەبینە پارێزەریان، ئینجا مەسیحی بن یان تورکمان. خۆیان هەر بڕیارێک بدەن با ئێمە قبووڵی بکەین."
بەرپرسی دەستەی کارگێڕیی پارتی دیموکراتی کوردستان گوتی، کێشەکانی پارتی و یەکێتی بۆ "کۆتایی شەستەکان" دەگەڕێتەوە، " بەڵام دوای ساڵی 1998 و بەهۆی ئەو تێگەیشتنەی لەنێوان سەرۆک مەسعود بازرانی و خوالێخۆشبوو مام جەلال هەبوو، ئەو کێشانە بەرەبەرە ئارامتر بوون." گوتیشی، ئەگەر بافڵ تاڵەبانی و قوباد تاڵەبانی پەیڕەوی سیاسیەتی مام جەلال بکەن، ئەم کێشانە روونادەن.
Негізгі бет Hevpeyvîn | هەڤپەیڤین- گفتوگۆیەکی تایبەت و راشکاو لەگەڵ فازڵ میرانی- دوو ئیدارەیی- لاهوور شێخ جەنگی
Пікірлер: 11