Heyvanların örüş-otlaq sahələrində kalış və digər zəhərli alaq otları, herpsidlər, mikrob və kif göbələklərinin miqdarı artıq olan kifli ot və yemlərlə qidalandırılması zəhərlənmələrə səbəb olur. Aqro Informasiya Mərkəzinin baytar təlimatçısı Qaraş Vəliyev bildiri ki, belə qidaları qəbul edərək zəhərlənən heyvanlarda mərkəzi sinir sistemində dəyişikliklər,timpaniya, daxili orqanların və ürəyin sıxılması halları baş verir. Bunun qarşısını almaq üçün zəhərin heyvanın qanına sovrulmasını və təsirini azaltmaq məqsədi ilə onlara bitki yağları içirdilir, venaya sistem formasında qlükoza, fizioloji məhlul köçürülür və digər tədbirlər həyata keçirilir.
Baytar həkimin sözlərinə görə əvvəlcə trokarla mədəd yəni möhtəviyyatda olan qazlar çıxarılmalı eyni zamanda köpü azaldan kömürdən su ilə daxilə verməklə və ya zəhərli herpisidlərdən kübrədən preparatları ilə zəhərlənibsə daxilə su ilə kömür, kalium permaqanat içirtmək lazımdır. Eyni zamanda daxilə selik yaradan içirtmələr vermək lazımdır ki, zəhərlərin qana sovrulmasını gecikdirsin.
Gizli formada olan xroniki zəhərlənmələr heyvanlarda məhsuldarlığın aşağı düşməsinə, çəkisinin azalmasına, boğaz heyvanların bala salmasına gətirib çıxarır.Kəskin zəhərlənmələr isə hətta heyvanların ölümünə səbəb olur. Zəhərlənmələrin baş verməməsi üçün heyvanların örüşə aparılmazdan öncə quru otla qidalandırılması vacibdir. Onların yemlənməsində istifadə olunan qaba və qüvvəli yemlərin saxlanma qaydalarına da xüsusi rəayət edilməlidir.
Qaraş Vəliyev: “Fermerlər zavod və ənənəvi yemlərin saxlanma şəraitinə düzgün əməl etsinlər.Yəni onların üstü örtülü olmalıdır yağış tutmamalıdır.eyni zamanda döşəmə hissəsinə taxta düzülməlidir ki yerdən nəmlik çəkməsin. Otlar isə dalan altında yada üstü örtülü halda saxlanmalıdır ki yağışla təmasda olmasın.”
Bildirək ki, heyvanların zəhərlənməsinə səbəb olan kif göbələkləri və zəhərləyici mikroblar əsasən açıq şəraitdə, nəmişlikdə saxlanılan yemlərdə olur.
Негізгі бет Heyvanlarda zəhərlənmələr
Пікірлер: 1