Şu günki programmamyzda:
Lebap welaýatynyň administratiw merkezinde Çagalary goramagyň halkara gününde käbir dükanlarda we söwda merkezlerinde çagalar üçin ýörite arzanladyş aksiýalary geçirildi, seýilgählerde çagalara mugt buz gaýmaklar paýlanyp berildi, halkara çagalar güni bu sebitde, öňki ýyllar bilen deňeşdirilende, sähel gyzgalaňly geçdi. Bu aralykda, bazarlarda zähmet çekip, gazanç edýän ýaş ýetginjekleri hem synlasa bolýardy. Bular barada Azatlyk Radiosynyň habarçysy 3-nji iýunda sebitden maglumat berdi.
Aşgabatly synçy türkmenistanlylaryň arasynda geçen asyryň 80-90-njy ýyllaryndaky durmuş, ýaşaýyş şertlerine bolan nostalgiýanyň, küýsemek duýgularynyň barha kän göze ilýändigini habar berýär. Ol bu ýagdaýy ýurduň üzňelik syýasaty bilen baglanyşdyrýar we, geçen asyryň soňky iki onýyllygyna degişli wideolaryň, fotosuratlaryň sosial ulgamlaryň türkmen dilli ulanyjylarynyň arasynda gysga wagt içinde giňden paýlaşylyp, gyzykly pikir alyşmalara sebäp bolýandygyny aýdýar.
Türkmenabat şäherinde ýerleşýän Seýitnazar Seýdi adyndaky mugallymçylyk institutynyň (TDMI) talyplary tomusky dynç alyş möwsüminde kafe-barlarda we toý-dabaralarda spirtli içgi içmezlik, ulag sürmezlik, agşam 20:00-dan soňa daşary çykmazlyk ýaly dynç alyş möwsüminde özüňi alyp barmagyň düzgünleri bilen tanyşdylar. Şeýle-de, olar Internet ulgamyndaky maglumat çeşmelerinden “düzgünlere laýyklykda” peýdalanmaga, daşary ýurtlara syýahat etmezlige borçlandy.
Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar
#habarlar
Негізгі бет HG: Talyplar tomusky dynç alyş möwsüminde özüňi alyp barmagyň düzgünleri bilen tanyşdylar
Пікірлер: 1