"Хиджабты ойыншыққа айналдырмау керек". Имамдар орамалға немқұрайлы қарайтын танымал қыз-келіншектерге осындай кеңес береді. Өйткені дінге бет бұрған жанға хиджабты қалаған уақытында тағып немесе орта жолдан мүлдем тастап кетуге болмайды дейді діндарлар.
Шоуөбизнесте жүрген танымал әншілер мен блогерлер хиджаб тағуды сәнге айналдырғандай. Бірі орамалды дінге бет бұрғандықтан тақса, енді бірі сахналық образына лайықтап алған. Дегенмен, хиджабын көп ұзамай әр түрлі себептермен шешіп жататындары да жоқ емес. Мәселен, Меккеге жасаған сапарынан соң әнші Роза Әлқожа жабық киінуге шешім қабылдадым деген еді. Бірақ, бір жыл бұрын бұл шешімін өзгертті. Сол сияқты «Кешью» тобының экс-солисі Ақбота Сейтмағанбет те орамалды ұзақ тақпады. Телерналардың біріне берген сұхбатында ол өзінің бұл шешімін былай деп түсіндірді.
АҚБОТА СЕЙІТМАҒАМБЕТ, әнші:
- Мен үшін хиджабта жүріп, екі баламды асырау қиын болды. Өнер жолында ұзын киіп, етекті жауып нан таппайсың.
Қазір әншілер мен блогерлердің арасында хиджабты тек "сән" үшін киетіндер де пайда бола бастағандай. Олардың қатарында Аша Матай мен Ерке Есмахан да бар. Әнші арулар орамалмен түскен түрлі суреттерін инстаграм парақшаларына жұма күндері салып тұрады. Мұндай суреттердің сыры неде екені туралы өнер жұлдыздарының өздері пікір білдірген жоқ. Ал, белгілі композитор Қалдыбек Құрманәлі хиджабты бір киіп, бір шешетіндер "хайп" қуып, жеңіл жолмен танылғысы келгендер дейді.
ҚАЛДЫБЕК ҚҰРМАНӘЛІ, композитор:
- Жарнама қылып жұрттың бәріне көрсеткісі келеді. Содан кейін орамал тағып жүреді. Сөйтеді да орамал тағыңыздар, сөйтіп өнеге үлгі болғысы келеді кейінгі жастарға. Қуанып қаласың. Ал бір уақытта қарасаң, орамалды лақтырып жіберіп кеудесін ашып тастап ән айтып тұрған кезде кәдімгі жаралы жүрегің ауырған былай тұрсын, жүйкеңе зақым түседі.
Дін жолында жүрген имамдар да хиджабты ойыншыққа айналдырмау керектігін айтады. Себебі, ол орта жолда тастайтын салттық киім емес дейді.
ӘЛІМЖАН РАХМАТУЛЛАЕВ, Қарағанды қаласы «Хәзірет Әли» мешітінің бас имамы:
- Бірде киіп, бірде шешіп тастау деген бұл дұрыс емес. Өйткені бұл бізге парыз болғандықтан, бұны біз кидік пе шешпеу керек. Ойыншық емес қой бұл! Дін деген нәрсе Алланың діні. Өзіміз қалаған кезде киіп, қалағанда шешетін бұл біздің салттық киімге де жатпайды.
Ал басынан орамалын тастамай жүрген өнер иелерінің арасында Айнұр Тұрсынбаева, Мөлдір Әуелбекова, Индира Расылхан бар.
#хиджаб #ислам #шоу_бизнес #Ақбота_Сейтмағанбет #Аша_Матай #Ерке_Есмахан
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
Негізгі бет "Хиджабты ойыншыққа айналдырмау керек": бұған имамдар не дейді?
Пікірлер: 572