✅ Vətən müharibəsi şəhidlərinin əziz xatirəsinə həsr etdiyimiz digər videolardan xəbərdar olmaq üçün kanalımıza abunə olmağınızı tövsiyə edirik.
✅ Rəsmi facebook səhifəmiz: / bel%c9%99-bir-hadis%c9...
Üç minə yaxın igid, eyni laylayın sədası altında, 44 gün ərzində yuxuya getdi. Həm də bizlərə böyük bir miras - bütöv bir Vətən qoyaraq.
Çoxundan geriyə nişanə belə qalmadı, bəziləri isə o nişanələri özləri kimi tərbiyə edib. Böyütdülər. Qız ya oğlan. Fərq qoymadan.
Mayor Asiman Vaqif oğlu Əliyev 1987-ci il fevralın 1-də Ordubad rayonunu Düylün kəndində anadan olub. 1993-2001-ci illərdə kənd tam orta məktəbində, 2001-2004-cü illərdə isə Heydər Əliyev adına Hərbi Liseydə təhsil alıb. Ali təhsilini 2001-2004-cü illərdə Heydər Əliyev adına Azərbaycan Ali Hərbi Məktəbində "Motoatıcı Taqım Komandiri" ixtisası üzrə alan Asiman Əliyev, 2008-2009-cu illərdə Silahlı Qüvvələrin Təlim və Tədris Mərkəzində dinləyici olub.
Xidməti dövründə III dərəcəli "Qüsursuz xidmətə görə" medalı, "Azərbaycan Silahlı Qüvvələrinin 90 illiyi" yubiley medalı, "Azərbaycan Silahlı Qüvvələrinin 95 illiyi" yubiley medalı və "Azərbaycan Ordusunun 100 illiyi" yubiley medalı ilə mükafatlandırılıb.
Aprel döyüşlərinin iştirakçısı olan Asiman hərbçi kimi nə qədər sərt olsa da, övladlarını çox sevir, onlarla birgə vaxt keçirməyə can atırdı.
Tabeliyində olan əsgərləri də övladlarından ayırmırdı. Elə yazdığı məktubda da bunu qızına deyir. “Ata üçün darıxma. İnşallah gələcəm. Ata işdə qalır, çünki atanın evə 3 övladı işdə isə 340 övladı var”.
Ötən ilin sentyabrın 27-də başlayan Vətən Müharibəsi hər kəs kimi Asimanı da döyüşlərə atılmağa məcbur edir. Cəbhəyə yollanmadan öncə hər kəs kimi o da yaxınları, əzizləri ilə sağollaşır. Amma bir fərqli şəkildə. Çünki canından bir parça olan övladlarından ayrılıb, canı qədər sevdiyi Vətəni azad etməyə yollanırdı.
Valideynləri onun bu arzusuna qarşı çıxsa da, Asimanı seçdiyi yoldan geri döndərə bilmirlər.
Vaqif müəllim deyir ki, Asiman elə bil şəhid olacağını duymuşdu. Əvvəlcə rayonda çalışan atasını, sonra isə anasını yanına gətirib. Ailəsini bir araya toplayıb.
Asimanın 40 mərasimi günü anası oğlunun yoxluğuna tab gətirə bilmir, dünyasını dəyişir. Bacısı İmmi Əliyeva deyir ki, anamı heç nə ilə ovuda bilmədik.
Həyat yoldaşı Aysellə 11 il ömür-gün yoldaşı olub Asiman. Bir kənddə böyüyüb, eyni məktəbi bitiriblər. Tale onları Bakıda ali təhsil aldıqları müddətdə yenidən qarşılaşdırıb və bu sevgidən 3 övlad dünyaya gəlib.
Nilay ailəsinin ilk qız övladıdır. Qayğılıdır, danışdıqca kövrəlir, əzizləri görməsin deyə göz yaşlarını gizlədir. Atası üçün darıxdığını deyir.
Nail şəhid mayor Asiman Əliyevin 18 illik dostudur. Bu illər ərzində bir-biri ilə məsləhətləşmədən heç biri işi başlamayıblar, sözün əsl mənasında bu dostluq qardaşlığa çevrilib.
II Fəxri Xiyabanda dəfn edilən mayor Asiman Əliyev ölümündən sonra “Vətən uğrunda” medalı ilə təltif olunub.
Негізгі бет Şəhid olandan iki gün sonra müharibə bitdi, anası onsuz 40 gün dözdü - ŞƏHİD MAYOR ASİMAN ƏLİYEV
No video
Пікірлер: 29