PART 1: Ifahamu historia ya Jay Z ‘Shawn Corey Carter Bonyeza hapa • Ifahamu historia ya Ja...
KUHUSU KITABU CHA BEYONCE NA JAY Z: MAISHA, MAPENZI NA MAUMIVU
Mwaka 2015 ulikuwa wa historia kwangu. Ni mwaka ambao hamu ya kuingia kwenye fani ya uandishi wa vitabu ilishamiri zaidi. Pengine kutokana na kupumzika kidogo kwenye masuala ya utangazaji wa redio na kuingia kwenye uandishi wa habari za burudani, kulinifanya nijikute nikifurahia sana uandishi na uchambuzi wa masuala ya burudani.
Kuwa mhariri mkuu wa tovuti ya bongo5.com, kuliniongezea maarifa mengi yanayohusu kiwanda cha burudani si tu Tanzania, bali duniani kwa ujumla. Katika ulimwengu huu wa mitandao ya kijamii, tumejikuta tukiwa na uwezo wa kuyafuatilia maisha ya kikazi na binafsi ya wasanii tuwapendao. Kupitia fursa hiyo tumeweza kuwa na uharaka wa kufahamu masuala mengi kuhusiana na maisha yao binafsi.
Uhusiano wa kimapenzi au ndoa za mastaa duniani, vimekuwa ni vitu vinavyovuta zaidi hisia za watu wengi. Kama walivyo watu wengine, mastaa nao hupitia changamoto nyingi ambazo zinaweza kuwa hazihusiani na kipato lakini zimekuwa na nguvu kubwa kiasi cha kuathiri maisha yao. Kama walivyo binadamu wengine, mastaa nao hupitia maumivu na majaribu ya dunia.
Pamoja na kujitahidi kuficha masuala ya ndani, bado vyombo vya habari vya udaku vimekuwa vikiibua mambo mengi mazito. Hicho ndicho kilichonivutia kuanza kuandika mfululizo wa vitabu vya ‘Maisha, Mapenzi na Maumivu.’ Nimeamua kuanza na Beyoncé na Jay Z wanaochukuliwa kama ‘Rais na first lady’ kwenye kiwanda cha muziki duniani kutokana na mapito na misukosuko waliyoipitia wakiwa pamoja ambayo pengine yamedumu kwenye midomo ya watu na vyombo vya habari kuliko mastaa wengine waliofunga ndoa.
Kwenye kitabu hiki utafahamu undani wa maisha yao ya utotoni na kabla ya kuwa mastaa, walikutana wapi na jinsi walivyojitengeneza kuwa miongoni mwa mastaa wenye nguvu zaidi duniani. Ninaamini utafurahia undani wa maisha yao.
Негізгі бет Historia ya Jay Z: Bifu yake na Nas, kustaafu na ziara yake ya Dar es Salaam akiwa na Beyonce
Пікірлер: 44