هل من الطبيعي أن لا أشعر بنفس الارتباط والمشاعر مع حملي الثاني مقارنة بالحمل الأول
من القراءة والبحث وسؤال الأمهات المتابعات على إنستغرام، هذه أهم نقاط لفتت انتباهي:
ما في شي بالحياة رح يعادل الحمل الأول وشكل المشاعر لأول مرة، سواء كانت بالحماس أو الخوف، أول حركة للطفل أول مرة بتحسو إنكن أهل، التغيير الجذري بنمط الحياة.
في احتمال إنو لنسبة قليلة من الناس يرجعو يحسو مشاعر قوية كثير، إذا كان في فارق كبير بالعمر بين الطفل الأول والثاني، أو كان الحمل الأول صعب أو خطير لسبب ما وما أتيح للأهل يستمتعو من الخوف، أو إذا الحمل الأول كان بالغلط ومش بتوقيت مناسب بينما الثاني مخطط، عدا استثناءات من هالنوع غالباً ما بيكون في مشاعر حادة وقوية وهذا شي طبيعي.
إذا ما كنتي حاسة بالتركيز والارتباط مع الحمل الثاني متل الأول فهذا لسبب وجيه ومهم كثير وهوي الطفل الأول واحتياجاتو اللي معبية كل وقتك، وبالذات إذا كان لسه زغير متل أقل من سنتين أو هيك.
برأي كثيرين حتى الحب هوي شي لا يقارن، لإن هوي ببساطة رح يكون مختلف، طريقة حب الأهل لكل طفل مختلفة متل ما هني الأطفال مختلفين وهذا شي كثير طبيعي، المشاعر بحد ذاتها بتكون نفس العمق والصدق، بس شكلا مختلف باختلاف الطفل، وهذا شي كثير عادي وشائع.
بمجرد إنك أصلاً حاملة هم حبك لطفلك اللي لسه ما انولد وبدك بشدة تكوني عادلة فهذا يعني إنك أم رائعة وما في شي تخافي عليه أو منو.
ومع ذلك مهم كثير إنو إذا هي المشاعر كانت قوية أو سلبية أكثر مما يجب أو استمرت وقت طويل وحسيتي إنو صارت متعبة فهذا ممكن يكون مؤشر على كآبة أو بداية كآبة فتأكدي إنو تراجعي أخصائيين وتطلبي المساعدة.
أم من المتابعات قالت إنو من وجهة نظرها الحماس والشوق موجودين، بس ممكن نحنا نتخربط بتعريفن لإنن هالمرة مرتبطين بوجود الطفل الأول بشكل من الأشكال، مثلاً أول مرة جهزنا بيتنا لنستقبل طفل واعتنينا بكل شي، ثاني مرة رح نكون عم نجهز الطفل الأول أكثر، حتى تعب ودلال الحمل الأول بتنشغلي عنو بالطفل الموجود ثاني مرة، بتظني إنك ما تعبتي أو بتحسي مر الحمل وما حسيتي، وهوي مجرد شعورك بالحالة مش حقيقة الحالة بالضرورة.
أم ثانية قرأت تجربتها، كانت عم تحكي عن إنو حتى كثير طبيعي ما تحسي بنفس دفق المشاعر لما تحضني الطفل الثاني، وتستغرقي وقت أطول لتحسي بالارتباط معو، لإنو عندك طول الوقت قلق من تقبل طفلك الأول للوضع الجديد، وخوف على الحب الأول والصداقة مع الطفل وردات فعلو.
بالمقابل في أمهات ممكن يظنو إنو حبو الطفل الثاني أكثر ويفوتو بدوامة الشعور بالذنب، وحدة من المتابعات الصديقات، قالتلي إنو بالنسبة إلها بالمرة الأولى مشاعر الخوف والقلق شوشت على مشاعر الفرح والحب، اللي كانو موجودين بس في شي ما عطاها فرصة تحسن بنفس القوة، بينما بالمرة الثانية كانت أقوى وواثقة بنفسها أكثر وما في شي شوش على المشاعر الإيجابية، لذلك ممكن بعض الأمهات يظنو أنو حبو الطفل الثاني أكثر وبالتالي تقلب مشاعر ذنب وهي بالحقيقة مجرد اختلاف بالتجربة مش بالمشاعر.
رابط أهم مقال قرأتو عن الموضوع:
www.whattoexpe....
رابط كتاب
What to expect when you are expecting:
amzn.to/3xHRY40
رابط فيديو كيف حملت بشكل طبيعي رغم معاناتي من المبيض متعدد الكيسات:
• المبيض متعدد الكيسات و...
فيديوهات أخرى قد ترغبون بمشاهدتها:
غثيان الصباح حيل طبيعية لتخفيف الغثيان واللعية في بداية الحمل الوحام والأسابيع الأولى من الحمل
www.youtube.co...
٥ نصائح عملية للعثور على هيباما مساعدة بعد الولادة بسهولة في ألمانيا
www.youtube.co...
وجبات خفيفة سناكات صحية ومغذية للحوامل عناصر غذائية ضرورية لكل حامل
www.youtube.co...
روتين وجباتي خلال يوم كامل في الشهر الثالث من الحمل الأكل مع الوحام وشو عم حب وإكره
www.youtube.co...
من أنا؟
اسمي: علا الجاري (علا الجاري لايف ستايل) Ola Aljari Lifestyle
صحافية سورية وأم لطفل (ليم، ٢٠١٧)، مقيمة في ألمانيا منذ ٢٠١٤، مهتمة بالشؤون السياسية وقضايا النساء وشؤون اللاجئين وحرية الإعلام، يوتيوبر ومدونة في مجالات متعددة أهمها التغذية الصحية والرياضة إضافة إلى الأمومة والتجارب الوالدية.
بدأت منذ آذار ٢٠١٨ رحلة تبني نمط حياة صحي، وأشارك تجربتي ويومياتي من خلال إنستغرام وفايسبوك ويوتيوب، بهدف إحداث تغيير وتقديم وجهة نظر مختلفة في ثقافة الحمية والعلاقة الإيجابية مع الجسد.
كاتبة ومحررة في مواقع ومجلات أوروبية وسورية مختلفة، وأقدم برنامجاً متعدد الثقافات واللغات في راديو بلاو المحلي بمدينة لايبزغ شرق ألمانيا.
أعتبر وجودي على وسائل التواصل الاجتماعي/ السوشال ميديا جزءاً من مشروعي الإعلامي ككل، فهو عملي وهوايتي ومساحتي الخاصة.
والأهم أنه نافذة يومية تسمح لي أن أطل وأناقش المواضيع التي تهمني كثيراً، والتي يتمحور عملي الصحفي حولها، مثل قضايا النساء وحقوقهن، قضايا المساواة والعدالة الاجتماعية والجندرية، الإيجابية وتقبل الذات وبناء الثقة بالنفس، إضافة طبعاً لمشاركة رحلتي بتبني نمط حياة وتغذية صحية، بعد سنوات من الإهمال والأولويات المختلفة.
يمكن أن تجدوا في حساباتي يوميات متعلقة بالأمومة، الغربة، قراءات في كتب أحبها أو أقرأها حالياً، أو حتى خواطر وأفكار وتعليقات على الأحداث الجارية.
أتمنى أن تكونوا جزءاً من هذه التجربة، وتتابعوا حساباتي فتجدوا فيها كل ما هو مفيد لكم أو على الأقل ما يرسم الابتسامة على وجوهكم. 🤗🤗
حسابي على موقع إنستغرام:
instagram.com/....
صفحتي على موقع فايسبوك:
/ olaaljarilif...
بريدي الإلكتروني:
olaaljari99@gmail.com
Негізгі бет هل من الطبيعي أن لا أشعر بنفس الارتباط والمشاعر مع حملي الثاني مقارنة بالحمل الأول
No video
Пікірлер: 27