Ngatokimatawhaorua Ngātokimatawhaorua te waka o Ngāpuhi Te Ariki o runga ko Nukutawhiti rā I waiho i Whiria te paiaka o te riri Te kawa o Rahiri e! Te kawa o Rahiri e! Ueoneone rā nāna i hari mai Te wahine whakakiwa nō roto o Waikato E noho nei rā, Ngāpuhi Taniwharau Ngā uri o Reitū e, Ngā uri o Reipae e! Waimirirangi rā te Kuini o Ngāpuhi E takoto mai ra i roto o Hokianga Nāna i kau hora i runga o Tokerau E rima ngā iwi e, E rima ngā iwi e! Ngāpuhi, Te Rarawa, e tū mai nei Ko Ngāti Whatua kei runga Tamaki Ka huri whakararo ki Ngāti Kahu nui Me Te Aupouri e, Me Te Aupouri e! Kei Hokianga ra, kei Taumarere Ngā puna waiora o ngā tupuna Ka mimiti tētahi, ka tōtō tētahi Ka huri whakarua e, Ka huri whakarua e! Hineamaru te tupuna, Ngāti Hine te hapū Tōna whakataukī he pukepuke rau Kei taumarere herehere i te riri Te rere i Tīria e, Te rere i Tīria e! Ko Kawiti, ko Hone Heke, ko Waka Nene i hainatia ai Te Tirīti o Waitangi Ka haina a Ngāpuhi puta noa i ōna rohe Ka huri whakarunga e, ka huri whakararo e! I kiia mai nei kua ngaro Ngapuhi waiho kia takoto he tikoki waka nui He tuturu wharenui Ko Puhi Taniwharau Ngapuhi Kowhao rau. Haere mai e te iwi ki runga o Waitangi i kōnei tātou whakanui tahi ai E te Taitokerau pōwhiritia rā Ngā iwi o te motu e, Ngā iwi o te motu e!
@adrianhau9048
5 жыл бұрын
Cheers whanau mean waiata
@mynumberones
3 жыл бұрын
ngamihi e whanaunga
@mayormeng
16 жыл бұрын
tena koe - Does anyone hve the lyrics and translation for this Waiata? from the mayor of Gisborne
@claraaperahama-kopa1609
2 жыл бұрын
Kia ora Matua Meng, did you get the lyrics and translation?
Пікірлер: 9