#paitegospelsong
Hon Duat Tuamse
Asa: Nu Lianlunching
Lyrics & Tune: Ching Mangte
1. Ka nuntakna ka gel chiang in Toupan hon it lua sang e
Liamsa gelkik ngamlouh haksa ka sak hun tam lua
Dah a ka manthat ding hon phallouh man in
Hon humbit hi ka Toupan bang ka hi a hiam?
Toupa hon it in non khawtuah
Hon veng in non ngaihtuah chih ka thei Pa
Kei ah hoihna a belh om hetlou pi
Na itna ziak kia'n maw, Toupa hiai tan non pi
2. Hon it tuam se na hiam Toupa hunteng na itna thak zel
Itna ka taksap hun in na itna'n non silh thuah
Phulouh itna leh na lainat na piandang
Aw ka tante manpha lungdam lua ing Toupa
3. Hon duat tuam se na hiam Toupa?
Ka chit louhna tampi toh
Dohzou in non huai lai maw itna lampi thak ah
Kuhkal zoulou lunglel ka puk dek chiang in
Ta ngek duat bang hon duat paibang non pomkip zel
4. Ka bah chiang ka pumpi liam a
Ka sa leh kha'n damna ngai
Tang a khezaw in na thu toh damna a muh bang
Ka hinna zawngkhal toh Toupa aw kon zuan
Lungtang kipak sa leh kha dam na Nang na nei.
--------+-----------+------------
A chang in na hinkhua paisa te na gelkik zel hia? Ken leng gelkik kik sek ing a, a chang a hat peuh kisa, thuakzou bang kisa thethup, a chang a chau leh haihuai sa, a khenchia lah ki iplah, vuak a vuakthoh di khop a hoih ka kisak hun khong om zel ahi. Ahia lungkham tawp khok hun leh kipahna I neih hunte a ei hatna hilou, a huntak a hihhat tu Pathian ziak ana hi chih ka muhthak ahi.
Khatvei vei hichi nenop lel tak bangziak a hon deih a hon hawi a diam? Hon deih natak leh deihdan tak tungzou ngei nailou, sem kha nailou lah, Amah adia manpha hihtheih na dia thiltuah gelkik uthuai lou leh ngaihtuah peihhuai loute hon tuahsak hun om a, bah a om, itna tasam a om hunte a leng ta ngek duat a hon duat a hun lemtang hon bawlsak thak zel hitah e ka chih khonung hun bang om sek!
Mihing i hihna ah imuh leh zakten hon thazoh sek a, a chang in bah in taksa om a, taksa abah chiah lungsim/khalam liamsak (Psychosomatic illness) khak baihlam mahmah hi. Huai hun chiang in leng, i Toupa Pathian, a taksa toh leitung a a omlai a thillamdang hih a, taksa bawmbai mi tampi hihdam a a kha uh hondamtu Pathian, tuni'n eite a ding a leng om lai, om gige ahi' chi'n thathak la chiat le chih ka deih ahi (Matthai 9:1-2, 4:23-24, Luka 13:11-14, Johan 5:3-9 hiaite ana sim in aw).
I haksa tuahte thei gelgul leh nguaipih a omlou in, vualzawlna, phulouh zahdong i tante ngaihtuah a kipahthu genna hinkhua gingtu ihihna a i zat ding Toupa hon deihdan ahi. I tuah lungkhamna, hatlouhna te a vualzawl na, hamphatna i tante toh buk kak zoh vuallouh ahihdan phok in, a itna ziak kia a hiaitan tung ihi chia ki phahniam a, duat tampi tangte lak a Toupan hon duattuam, ittuam se a hi chi a kipahthu gen na hinkhua a hing chiat ding in, ngai khe tute kon ngen a, kon thumsak hi.
Toupan hon vualzawl chiat hen aw!
Негізгі бет Hon Duat Tuamse ~ Lianlunching [Official]
Пікірлер: 84