ಹೂವ ತರುವರ ಮನೆಗೆ ಹುಲ್ಲ ತರುವ
ಆವ ಬಗೆಯಲಿ ಸಲಹೋ ದೇವ ಚಿನ್ಮಯನೇ || ಪ ||
ರಂಗನಾಥ ನಿನ್ನ ಅಂಘ್ರಿಗಳಿಗೆರಗುವೆನು
ಅಂಗವನು ನಿನಗೆ ನಾ ಸಲ್ಲಿಸುವೆನು
ರಂಗರೂಪವ ತೋರಿ ಭವ ಭಂಗಗಳನಳಿದು
ಡಂಗುರವ ಹೊಯ್ಯೋ ನಿನ್ನ ಡಿಂಗರಿನೆಂದು || 1 ||
ಈರೇಳು ಜನ್ಮದಿ ನಿನ್ನಾಧೀನನಾಗಿಪ್ಪೆ
ನಾನಾರ ಸೇರುವೆನೋ ನಾನೇನ ಮಾಡುವೆನೋ
ಘೋರಪಾತಕಿ ಅಜಾಮಿಳನ ಸಲಹಿದ ರಂಗ
ನಾರಸಿಂಹನೆಂದರೆ ಧ್ವನಿದೋರೋ ಕೃಷ್ಣ || 2 ||
ಇಷ್ಟುಮಾಡಿದ ಬಂಟ ನಾ ನಿನ್ನ ವೈಷ್ಣವರ
ಪುಟ್ಟ ದಾಸಿಯ ಮಗನೋ ಪರದೇಸಿಯೋ
ಗಟ್ಟಿಯಾಗಿ ಕಾಗಿನೆಲೆ ಆದಿಕೇಶವ ರಂಗ
ಬಿಟ್ಟು ಪೋದರೆ ನಿನಗೆ ಹರಿದಾಸರಾಣೆ || 3 ||
Негізгі бет Hoova Taruvara manege ( हूव तरुवर मनेगे )
Пікірлер: 16