"Play Football With Heart and Brain" pageကနေကြိုဆိုလိုက်ပါတယ်။ဒီနေ့ကျနော်ရှယ်ပေးချင်တဲ့ အကြောင်းအရာကတော့ ဘောလုံးကို instep(ခြေအတွင်းဖမိုးသားနဲ့) ပြင်းပြီးမှန်အောင် ကန်တဲ့ နည်းစနစ်ကို အသားပေးရှယ်ပေးသွားမှာဖြစ်ပါတယ်ခင်ဗျာ။အဲ့လိုအားပါပြီး ဝါးလုံးထိုးကစ်ပြင်းကန်ဖို့အတွက် အဓိက အချက်လေးချက်ကိုစိတ်ထဲမှတ်ထားပါ။
1. ခြေလှမ်း
ဘောလုံးဆီဦးတည်တဲ့ခြေလှမ်းဟာ ဘောလုံးနဲ့ဝေးနေတုန်းခပ်ကြဲကြဲလှမ်းလို့ရပေမယ့် ဘောလုံးနဲ့နီးလာရင်ခပ်စိတ်စိတ်လေးနဲ့ ပေါက်ကွဲအားနဲ့ပြေးကန်ရပါမယ်။
2.တည်ခြေ(ထောက်ခြေ)
မှန်ကန်ပြီးပြင်းထန်တဲ့ ကန်ချက်တစ်ခုရရှိဖို့ တည်ခြေက ဆုံချက်ပါ။ တည်ခြေ က ဘောလုံးနဲ့ တစ်တန်းတည်းရှိရမှာဖြစ်ပြီး ဘောလုံးနဲ့ 6လက်မလောက်အကွာအဝေးမှာရှိနေရင်ကောင်းပါတယ်။အရမ်းနီးလွန်းရင်လွှဲကျယ် လွှဲအားလုံလောက်မှာမဟုတ်တဲ့အတွက် အားပျော့သွားပါလိမ့်မယ်။ဘောလုံးဆီ တည်ခြေမချနိုင်ရင် ဘောလုံးထောင်တက်သွားတာတို့ဖြစ်နိုင်ပါတယ်။တည်ခြေ မငြိမ်ရင် ကန်အားကောင်းမည်မဟုတ်ပါ။ နောက်နေ့ တည်ခြေ ရဲ့ Balanceနဲ့ Stabilityကောင်းဖို့ လေ့ကျင့်ခန်းလေးတွေတင်ပေးသွားပါမယ်။
3.ထိချက်(ခြေဖမိုးသားထိချက်နဲ့ ဘောလုံးရဲ့ ထိရမယ့်နေရာ)
နည်းစနစ်မှန်တဲ့ ကန်ချက်အတွက်ထိချက်က အရေးကြီးဆုံးပါ။ခြေဖမိုးမှာ အမာဆုံးအရိုးနေရာရှိပါတယ်။အဲ့နေရာကို ဘောလုံးရဲ့ ဗဟိုနဲ့ထိအောင် ခြေကျင်းဝတ်ကို တင်းပြီး အားထည့်ကန်ရမှာဖြစ်ပါတယ်။
4. ကန်ခြေပြန်ချခြင်း
ဒါလည်းအရေးကြီးတဲ့တစ်ချက်ပါပဲ။ ဘောလုံးကို ထိပြီးလွှဲပြီးလို့ ကန်တဲ့ခြေနဲ့ ပြန်ကျဖို့လိုပါတယ်။အဲ့ဒါက ပိုကောင်းမွန်တဲ့ လွှဲအားကိုရရှိစေပြီး ဘောလုံးကို ပိုအားသက်ရောက်စေပါတယ်။
ကျန်တာကတော့ များများလေ့ကျင့်များများကန်နေဖို့ပါပဲ။များများလေ့ကျင့်တာနဲ့အမျှ အမှားတွေပိုသိစေပြီး ဦးနှောက်က အလိုလိုမှန်အောင်ပြန်တည့်ပေးသွားပါလိမ့်မယ်။
#playfootballwithheartnbrain
#howtokickapowelfulinstepshooting
#ဝါးလုံးထိုးကစ်ကန်နည်း
Негізгі бет How to kick a powerful instep shooting (ဝါးလုံးထိုးကစ်ပြင်းကန်နည်း)
Пікірлер: 17