Која е БОЖИКНАТА ПЕСНА што ја возобновуваме оваа година?
Одговорот го добиваме директно од студиото „Подрумот“ во Скопје, каде што во моментов „Љубојна“ имаат света должност, да возобноват и остават за навек, уште една стара Божикна песна (каланда), овој пат многу блиска до нашиот народен мелос, песна што сме сигурни дека ќе ве предизвика да станете и заиграте од радост.
Во своето обраќање, Вера и Оливер, меѓу другото, ќе ни кажат:
- Божикната песна што оваа година ја возобновуваме и оставаме за навек, за генерациите што доаѓаат, потекнува од овие широки балкански простори, од времето на Ромејското Царство, Византија. Ја пееле нашите благочестиви претци, а кај нас најдолго се задржала меѓу мијачкото население, заради што и сегашнава возобновена верзија е испеана токму на мијачки дијалект. Ова го правиме во чест и спомен на богатиот творечки дух на Мијаците, на нивната вера и ревносна борба за зачувување на православната вера и традиција и во најтешките времиња. Песната, како и спотот што наскоро ќе се снима на одбрани локации во Галичник и Крушево, ќе бидат нашиот овогодишен Божикен подарок за вас. Не се опишува со зборови радоста што ново-возобновената песна ја носи со себе и моќната порака што ја пренесува на секого што ќе ја чуе...
- Заедно со Бадниковите поворки, во илјадалетието на Бигорскиот Манастир, на чија иницијатива и започна оваа наша света должност на враќање кон вистинските православни традиции, ќе направиме се' за да ви ги развеселиме срцата и да внесеме празничен божикен дух во вашите домови, но и на клиниките каде што медицинскиот кадар пожртвувано се бори да спаси човечки животи, а наши ближни се борат со современата болест...
Најтопло му благодариме на нашиот Владика Партениј, Игуменот на Бигорскиот манастир, за постојаната духовна поддршка во целата наша мисија...
🎵 ХРИСТОС СЕ РАЃАТ, НА СВЕТОТ РАДОСТ!
(Традиционална ромејска песна што се пеела и на нашите простори)
Изведба: „Љубојна“ во соработка со Традицискиот оддел при ДМБУЦ "Илија Николовски - Луј";
Пејачи: Анастасија Илиевска, Матеј Тушевски и Стојанче Костов;
Инструменталисти: Благојче Трајковски -кларинет, Тимко Чичаковски-канон, Петар Христов-кларинет и византиска лира, Оливер Настовски-ут, Игор Милевски-виолина, Оливер Јосифовски-византиски контрабас, џумбуш, византиска лаута, перкусии, контрабас.
Снимање, миксање и мастеринг: Студио „Подрумот“,
Музички инжинер: Ангел Ќосев,
Аранжман: Оливер Јосифовски.
За многу години🙏
Негізгі бет ХРИСТОС СЕ РАЃАТ, НА СВЕТОТ РАДОСТ! (од снимањето во студио)
No video
Пікірлер