HSBC 我真係驚咗你 part 2
近幾年多咗小朋友去外國讀書,又未可以攞到父母嘅附屬信用卡,所以興起用Debit Card 。呢張綠卡亦深受出外公幹嘅朋友歡迎,因為轉左當地貨幣之後,就可以自由提款,而且直接由戶口扣數,咁就唔會畀信用卡乘機收取蝕你一筆錢嘅兌換率,但係,潛在危機多多。
信用卡被盜用嘅時候,你發現咗,仲可以同銀行追討。有時候,可疑嘅轉賬亦都會被hold住,好似「隔咗一層」,有得講吓數。
Debit Card 直接喺你戶口扣賬,而且好多時都冇限制;反而八達通卡每一日自動增值或者用錢嘅額都有少少限制,你入幾多先至可以用幾多。
呢一個同易辦事嘅概念差唔多,不過當年我哋用EPS係會入密碼,而家好多張卡都係Paywave。
Tap and Go 令到大家方便之餘,亦都令到大家多咗機會損手爛腳。
網上消費喺疫情嘅時候大行其道,每用一次就有一個紀錄喺大海入面,好多壞人就會用人工智能嘅方法攞咗呢啲Number上網同你一齊消費。
平時我喺網上超級市場買幾百蚊,都要比一個security code 保安碼,但係用呢一張Debit Card 喺外國消費的時候, 根本就唔需要經任何保安程序。即係,任何人有我呢個號碼都可以隨便用!
我戶口嘅錢一定多過信用卡嘅信用額,即係隨時有人執咗我屋企一條鎖匙,人哋得閒就可以過嚟爆竊!
如果我係你,真係要畀張咭仔女用嘅話,一定要開定一個新嘅戶口!
Негізгі бет HSBC 我真係驚咗你 part 2
No video
Пікірлер: 176