ထိုင်းနိုင်ငံရဲ့ အလှဆုံးကျွန်းတွေထဲက တစ်ခုဖြစ်တဲ့ Hong Island
ဒီနေ့ကတော့ ထိုင်းနိုင်ငံမှာ အလှဆုံးကျွန်းတွေထဲကတစ်ခုဖြစ်တဲ့ Hong Island ကျွန်းကို တစ်ရက်တာ 1 Day Trip သွားခဲ့တာလေးကို မျှဝေပေးသွားပါမယ်ဗျ ၊ ကျွန်းလို့ဆိုရာမှာ လူနေအိမ်တွေ ဟိုတယ်တွေ ဆိုင်ခန်းအခိုင်အမာနဲ့ ကျွန်းကြီးတွေ ရှိသလို ကျွန်တော် ဒီနေ့သွားခဲ့တဲ့ Hong Island လိုမျိုး လူနေလို့မရပဲ Day Trip ပဲသွားလို့ရတဲ့ ကျွန်းတွေလည်း ထိုင်းနိုင်ငံက ပင်လယ်ထဲမှာ အများအပြားရှိပါတယ်ဗျ ၊ ခရာဘီရောက်တယ်ဆိုရင် ဒီ Hong Island ကို မဖြစ်မနေသွားရောက်လည်ပတ်သင့်ပါတယ်ဗျ
ဘာကြောင့်လည်းဆိုတော့ ဒီခရီးစဉ်မှာ snorkelingလုပ်ပြီး ရေအောက်ကမ္ဘာရဲ့ အလှကို ကြည့်လို့ရမယ် ၊ ကမ်းခြေရှိတဲ့ ကျွန်းတွေထဲမှာ Hong Island က အရမ်းကို မိုက်တဲ့ ကမ်းခြေရှိတဲ့ ကျွန်းဖြစ်တယ် ၊ ကျွန်းရဲ့ တောင်ထိပ် အပေါ်စီးကနေ ပင်လယ်ရဲ့ အလှကို ၃၆၀ ဒီဂရီဗျူးနဲ့ ကြည့်နိုင်မယ့် ကျွန်းတစ်ခုဖြစ်သလို ၊ ထူးခြားလှတဲ့ Hong Lagoon ကလည်း ကမ္ဘာလှည့်ခရီးသွားတွေကြားမှာ ရင်သပ်ရှူမောဖွယ်ရာ နေရာတစ်ခုအဖြစ် သတ်မှတ်ခံထားရတယ်ဗျ ၊ ဓါတ်ပုံရိုက်ဝါသနာပါသူတွေအတွက်ကတော့ တစ်ကျွန်းလုံးမှာ အင်စတာဂရမ်စပေါ့လေးတွေလည်း ရှိဦးမယ်ဗျ
Негізгі бет ထိုင်းနိုင်ငံရဲ့ အလှဆုံးကျွန်းတွေထဲက တစ်ခုဖြစ်တဲ့ Hong Island
No video
Пікірлер