هتشهد الأيام
و لو بعد حين
ان القلب الطيب
المسكين الحزين
ما كانشى يستاهل
حزن يسكن الضلوع
بس الإنسان الجاهل
بظلمه بيزرع الدموع
و يمضى و كأن الأمر
لا يعنيه و مالوش يد فيه
و هو اللى سقى المر
بغدره و ظلمه و بلاويه
و ما زال القلب الطيب
تايه محتار فى التيه
الحزن منه قريب
و ما حدش حاسس بيه
دنيا عجيبة و البشر أعجب
تصرفاتهم غريبة
و مفيش من الحزن مهرب
فيه يادوبك شوية مسكنات
بتهدى شوية و تخفف المرارات
تغافل و تجاهل لأسباب الدمعات
و لا مبالاة و تكبير دماغ للمبكيات
و تطنيش و أكل قراقيش و بلح أمهات
و ضحكة مش من القلب لكن من الافتكاسات
بتدارى حرقة مدفونة
القلوب معصور عليها مزرعة ليمون
مش يا دوبك ليمونة !!!
أصل الليمون بيهدى الأعصاب
و القلب الطيب ياما و ياما اتصاب
و عجبى
زغلول البطوطى
هى بس حلاوة روح
و ان جيت للحق
القلب موجوع ومجروح
و ما بيقولشى لأ
لضحكة ترد الروح
تايه فى دنياه
و بيدارى أساه
و كاتم الألم و الأه
فى ابتسامة ملازماه
قلب حزين
مليان خزين
بعد انقلاب الموازين
و مع ذلك هادى و رزين
ربنا هوالمعين
هى مجرد حلاوة روح
لقلب موجوع و مجروح
ومع ذلك راح مرسى مطروح
و وصل شاطئ عجيبة
غريبة انتى يا دنيا و عجيبة
و ناسك بقيت مخيفة و مريبة
القلوب الطيبة بتدفع الضريبة
دموع و أحزان و أحوال عصيبة
و وصل شاطئ الأبيض
القلب الحزين محتاج يعيد
بعد الحزن ما بقى سيد
وواخد تقدير امتياز مش جيد
و وصل شاطئ روميل
الجو العام بقى ممل
و القلب منتظر الخير يهل
و وصل شاطئ كليوباترا
القلوب الطيبة حزينة من فترة
بتدور على فرحة حتى و لو قطرة
أصل الأحزان مجتهدة و شاطرة
و وصل شاطئ البوسيت
الفرح ما بقاش كاش
ده بقى بالتقسيط
حتى الأقساط بعضها مش مدفوع
القلب من الأحزان بقى مخلوع
و وصل شاطئ الغرام
القلب مليان أوجاع و ألام
بس بيحاول يبعد عن الاستسلام
و بيدور على لحظات الانسجام
و وصل شاطئ مينا حشيش
القلوب الطيبة ما تساويش
و كلام الناس ما بينتهيش
الحل الأمثل هو التطنيش
عشان نعرف نعيش
و وصل شاطئ الليدو
و شرب شاى بلبن نيدو
لبن بودرة
يمكن يحلو بكرة
هى بس حلاوة روح
و بالأمل و العمل
الحياة هتبقى مرسى مطروح
زغلول البطوطى
Негізгі бет هتشهد الأيام و لو بعد حين - هى بس حلاوة روح كلمات زغلول البطوطى تاجر السعادة
Пікірлер