「子華神」黃子華又做舞台劇喇!繼2022年與潘燦良合作的《最後禮物》、2023年與林海峰合作的《愛我別走》後,這位神級人馬再次向劇迷獻上重禮。較早時間,外界已經傳出風聲話「子華神」會再演舞台劇,女主角更是「嘉玲姐」劉嘉玲,令人期待萬分。終於去到上周六(8月17日),「子華神」的facebook專頁「黃子華 - 子華本部」分享了一則帖文,揭示劇目是黃詠詩編劇、曾多次載譽重演的本地經典《香港式離婚》,而去到周二(8月20日)舉行的記者會,更正式公開拍檔真是金像影后劉嘉玲!
黃子華和劉嘉玲兩人在記者會當日同樣都表現得非常雀躍,接受本平台訪問時更異口同聲話夢想成真,黃子華坦言一直有留意這齣舞台劇:「我甚至係⋯直情喺好多年前,呢個係香港三大經典之一,喺我心目中認為咁,當時都係讚佢哋做得好啫,咁就整下就終於鼓起勇氣,就同編劇(黃詠詩)講,『可唔可以我試下,畀我做下呢』,所以其實基本上係由迷戀到邂逅,到終於而家緣份到喇。」劉嘉玲則指自己終於一圓與對方合作的心願:「一路都好希望有一個機會合作,點知一嚟就係咁高難度嘅舞台劇。」
在《香港式離婚》中,黃子華和劉嘉玲飾演一對專搞離婚官司的律師夫婦,兩人在各個個案中見盡人生百態,後來他們的婚姻更亮起紅燈,黃子華形容這場離婚有「一種好優雅嘅格調」:「如果有一日我真係要搞離婚,或者有朋友要搞離婚,能夠搞到咁有格調都不妨!」劉嘉玲聽完之後立即褪後兩步笑出聲:「哈哈,唔好喇啩!」除此之外,連做40場演出,他們亦有談到體力是否能夠應付,此外如何償還「飛債」、「香港式離婚」有何特點等問題,就要收睇足本訪問了。
採訪:游大東
拍攝:何駿軒
(25082024)
#游大東 #游大東影視筆記 #游大東現場直擊 #舞台劇 #香港式離婚 #劉嘉玲 #黃子華 #王耀祖 #黃詠詩 #梁浩邦 #楊詩敏 #楊淇 #滙豐保險 #HSBC
Негізгі бет Ойын-сауық 黃子華親解參演《香港式離婚》背後原因|預告出爐後劉嘉玲立即一身「飛債」:嚇到我驚!|游大東現場直擊|舞台劇|黃子華|劉嘉玲|黃詠詩|滙豐保險
Пікірлер: 20