هو النرجسي بيغير منك ولا بيغير عليكي؟ وهل هو لما بيتهمك في شرفك بيكون مصدق نفسه؟
النرجسي بيغير منك طبعا طبعا طبعا بيغير منك غيرة مرة من اول يوم شافك وقرر يتجوزك وهو بيغير منك ، هو أصلا النرجسي بيغير من أي حد وكل حد لدرجة انه بيغير من أولاده ومن نجاحاتهم بالرغم من ان دة بيجمل الصورة الا انه مش بيقدر يمنع نفسه من الغيرة منهم ومن انه يحسدهم ، واكيد اللي ابوه نرجسي شاف الكلام دة واللي امه نرجسية شاف الكلام دة ، النرجسي بيغير منك ليه ؟ قلت لك الكلام دة كتير قبل كدة ، هو مدرك تماما ان انتي عندك حاجات كتير مش عنده انتي تقريبا عندك كل حاجة مش عنده ، انتي اول ماعرفك كنتي انسان سوي بتحسي وبتتعاطفي وبتفرحي وبتحسي بالسعادة وعندك اهدافك في الحياة ومخك مترتب وعارفة انتي عايزة ايه وبتعرفي تحققيه وبتعرفي تتعاملي مع الناس بنفس واحدة ومن غير ماسك وبتعرفي تستمتعي بالحياة وبتعرفي تحلي مشكالك وممكن كمان مشاكل الناس والناس بتحبك بدون مجهود منك ولا لمصلحة عايزينها منك (حالة بتقول كانت بتشتغل في مدرسة أولادها واولاد اخت جوزها وفي مرة اخت جوزها راحت تشوف أولادها في المدرسة وطبعا الحالة استقبلتها ولفت معاها المدرسة وطول ماهم ماشيين بيقابلوا العاملات والحالة كل ماتقابل عاملة العاملة تسلم عليها بحب وباين عليهم اد ايه بيحبوها وكان تعليق اخت زوجها عجيب ، ايه؟ هو انتيب تديهم فلوس ؟ سؤال ملوش أي مناسبة فالحالة مافهمتش قالت لها فلوس ايه قالت لها يعني كل شوية تديهم حاجة تراضيهم يعني قالت لها لا ليه اشمعنى قالت لها اصلي لاحظت انهم بيرحبوا بيكي بزيادة شوية او بيحبوكي كدة ليه حاجة زي كدة!!!! تخيلوا هم بيفسروا الحب والقبول ازاي ،هو دة تفكيرهم وهي دي امكانياتهم )
المهم فهمتي هو بيغير منك ، طيب بيغير عليكي حب فيكي ويغير على حبك له ، لا طبعا هو لابيحب ولا بيفرق معاه حبك أصلا ، امال بيغير ليه هو مش بيغير هو بيتملك وبيحافظ على ممتلكاته ، هو بيغير على نفسه بس هو بيغير ان حد ممكن يلفت نظرك عشان مفروض ان نوره يعمي عينك عن العالم كله ، وعشان مش مفروض حد يكون بيقدرك ولا بيحترمك والا حتعرفي انه وضيع وبعدين تفهمي اصله وفصله وتحتقريه وتسيبيه وتمشي ، هو مش بيغير عليكي وعلى شخصك لا هو بيخاف على مكنة القهوة حد يسرقها او ياخدها او حتى يشتريها ،بس على فكرة لو حيبيعها بسعر خيالي حيبيعها عادي جدا لو دة مش حيبوظ شكله ادام الناس ، والدليل على كدة انه مش بيبيعها دا بيرميها لو لقى غيرها تصرف عليه وتديه وقود
طيب لما بيخوض في عرضك هل بيكون مصدق اللي بيقوله عليكي ؟
تعالي نحسبها بالعقل دلوقتي هو اختارك زي مابيقولوا ع الفرازة ،حلوة ومؤدبة وسوية وحبوبة ومتدينة وكتير جدا بشوف حالات منتقبات ومحفظات قرآن كتييييير
ولو أصلا مش محجبة بتكون على خلق وبتصلي وعلاقتها بربنا قوية وجدعة وزي الفل يعني هو بيختار واحدة شبه مثالية ومن اول يوم بيدرسها كويس وبيعرف عنها كل شيء نقاط القوة ونقاط الضعف وعارف كويس يدخل لها منين ولو مكنش عارفها وحافظها مكنش قدر يحطها في القالب ويرضخها له ابدا ، طيب يعني هو عارف هي ممكن تخون ولا لا ؟ اه عارف ومتأكد من انها مستحيل تخون ومتأكد منها اكتر ماهو متأكد من نفسه ، يعني هو مش بيكون شاكك فيها فعلا مش عشان هو قذر بيكون فاكرها وفاكر كل الناس زيه ؟ لا نهائيا هو عارف انها نظيفة وزي الفل ودة اللي هو مش قادر يكونه فبيحاول يخليها زيه عشان تتساوى الروس ، كمان احنا عارفين الاسقاط وعارفين ان النرجسي مدمن اسقاط فهو خدي بالك اللي بيتهم زوجته بالزنا بيكون هو زنا سواء مستمر او لا المهم انه بيكون زنا ولو مرة واحدة ، واللي بيتهمها انها بتعرف بس كدة معرفة بيكون هو بيعمل علاقات سطحية واللي بيتهمها انها شايف لها شوفة حتتجوز لما يطلقها بيكون هو شايف شوفة وعايز يتجوز ، هو بيتهمها باللي هو بيعمله غالبا وانا بقول غالبا عشان ماتطبقيش وتجزمي انه بيزني او حيتجوز انا بقول غالبا دة بيكون حاصل عشان افهمك انه بيكون اسقاط وهو بيكون عارف انها انضف منه ومن اهله كلهم ، والدليل على كدة انه مش بيموتها هي لو خانته فعلا حيموتها وماحيصدق يخلص منها دفاع عن الشرف ومش حيتعاقب ، النرجسي زي ماقلنا بيغير على نفسه وعلى ممتلكاته فعمره ماحيسمح لحد ياخدها وهو أصلا لما بيطلق ويعرف ان طليقته اتخطبت بيجري يرجعها ومش بيسمح لحد انه ياخدها حتي لو هو اللي طلقها ورماها بدون أي سبب ، فهو لو عارف انك حقيقي بتخوني حيقتلك حرفيا حيقتلك او يفضح اهلك ويعمل لك نشرات ع السوشيال ميديا وياخد دور الضحية ويخسرك اهلك وشغلك وكل شيء وحينتقم منك شر انتقام ، فانتي لازم تكوني فاهمة انه مش بيكون شاكك فيكي هو كداب وعارف ومتأكد انك زي الفل وبتنطبق عليه سورة النور وكل اللي ربنا قاله على اللي خاضوا في عرض ستنا عائشة دايما تفكري نفسك بحادثة الافك لما النرجسي يخوض في عرضك وتقولي لنفسك حبيبة سيدنا ابتليت بدة وشوفي ربنا جاب لها حقها ازاي ،انتي كمان ربنا حيجيب لك حقك ،اثبتي ومتقلقيش وخليكي مع ربنا ووكليه يدافع عنك وارضي بقدره وحتشوفي حيراضيكي ازاي
Негізгі бет هو النرجسي بيغير منك ولا بيغير عليكي ؟ وهل هو لما بيتهمك في شرفك بيكون مصدق نفسه؟
No video
Пікірлер: 228