Isa sa pinakamahirap na feeling sa lahat ng mararamdaman mo, ay ang ma in-love sa isang kaibigan. Alam naman nating mahal natin ang lahat ng ating kaibigan, pero iba kapag sinabi nating “In-love”, ibig sabihin, may gusto tayo sa kanila. May espesyal na pagtingin, may gustong patunguhan ang pagtingin na ‘yon. Gusto mong alagaan o kaya naman angkinin. Kadalasan kasi kapag na iinlove ka sa kaibigan, tanggapin mo na sa sarili mo na posible kang mawalan. Marahil sa oras na umamin ka eh hindi niya gusto ang ginawa mong pag-amin. Kunwari close kayo, at inisip mong i next level ang pagkakaibigan niyo, eh medyo malabo ang kalalabasan nyan. Minsan kasi, sapat na sa kanila yong nandiyan ka lang. ‘Yong pareho kayong may benefit sa bawat isa. ‘Yong tipong sweet kayo, pero walang commitment. Pero nandun yung closeness. Getz? ‘Yong pwede mo siyang lambingin parati, kasi nga malaya mong nagagawa yung mga bagay na meron sa magkarelasyon. About sa “FriendZone Thingy”, ito ata yong isa sa pinakamasakit na mangyayari sayo. ‘Yong hindi ka lang busted, kung hindi, kinandado na talaga ang pagkakaibigan niyo,tapos tinapon sa dagat o tinunaw sa apoy yong susi ng padlock na yun. Kasi wala na talaga, tipong kahit pag-aralan ka niyang mahalin eh hanggang sa pagkakaibigan lang ang kaya nyang ibigay. Masaya lang siya na kaibigan mo siya, na nag-uusap at kilala niyo lang ang dalawa. Basta isa sa pinakamahirap na pakiramdam talaga ang ma inlove sa bestfriend o kaibigan. Pero dun naman lahat nag uumpisa. Sa pagiging magkaibigan muna. Syempre darating tayo sa puntong, “getting to know each other muna“. Tip lang sa lahat, kapag binabalak mong ligawan, ‘wag mo masyadong lambingin habang magkaibigan pa lang kayo. Kasi kapag ayan sinanay mo na nilalambing mo kapag magkaibigan palang kayo eh malaki ang chance na ma friendzone. May mga senyales kasi yan eh, wag mo laging amuhin, ipakita mo lang na espesyal siya. Umiwas ka at medyo huwag kang pumayag kapag tinatawag ka ng “KAPATID” “KUYA” o “TATAY” sa mga lalake. “SIBLING ZONED” naman ang tawag diyan. Ang feeling kasi kapag na ganun ka, parang binalatan ka ng buhay at pinigaan ka ng isang kilong kalamansi unti-unti, patak patak. Parang pinalalasap sayo ang sakit na pang kaibigan ka lang dahil sa sobrang kabaitan mo. Pagtanggap lang naman ang susi diyan eh. Wala namang masama kung susubukan mong sabihin ang gusto mo. Malay mo may mga tao na hindi nag stick sa mga desisyon nila. Kapag ayan kasi wala ng nakilalang tunay na magmamahal sa kanila, minsan no choice na yan. Ikaw pipiliin niyan. Kaso ang awkward nung ganun diba? Kapag gusto mo ang isang tao, wag mo masyado nilalambing. Tawagin mo lang siya sa pangalan niya. Alam mo naman kasi yung mga tawag na iiwasan mo eh, para hindi ka mabilang sa mga taong na friendzoned. Sabi nga nila, pinanganak tayo para sumaya, hindi para maging last option lang ng iba.
Enjoy listening mga Loves 🫶🏻🫶🏻🫶🏻
Негізгі бет “ I’m Falling In Love with My Bestfriend “ 🫶🏻🫶🏻
Пікірлер