توره چې تېريږي خو ګزار لره کنه
زلفې چې ولول شي خو خپل يار لره کنه
ولې راته وايې چې په ښکلو نظر مه کړه
سترګې چې پيدا دي خو ديدار لره کنه
شيخ دې لمونځ روژه کا زه به ډکې پيالې اخلم
هرسړی پيدا دی خپل خپل کار لره کنه
تاوې چې زما د خولې بوسه لکه دارو ده
غواړم دې دارو د زړه پرهار لره کنه
وينې مې د زړه خورې مګر نور څه لره نه يې
زړه زما پيدا دی تا خونخوار لره کنه
څه ژړا فرياد کړې د شهي د تورو زلفو
ته ورتلې پخپله و تور مار لره کنه
خود به ستا تر مخه د ګياه غوندې څرګند شي
ګل د لاله راوړه خپل رخسار لره کنه
مۍ شته چنګ او نی شته، د خپل يارسره خوشحاله
خپل بياض په لاس کښې ځه ګلزار لره کنه
- ستر خوشال خان خټک بابا
Негізгі бет Ijaz Ufaq - Zalfay Che Wal Wal She زلفې چې ولول شي خو خپل يار لره کنه - Pashto Ghazal
No video
Пікірлер: 10