INA tutu i luga
E tau ai mo Iesu;
Ia sisi lana fu'a,
Ne'i ai se solitu.
E manumalo pea
Lo tatou nei Ta'i'au
I ona fili uma:-
E malo faavavau.
Ina tutu i luga
E tau ai mo Iesu;
O ia ma lona mana
E faamau ai tatou.
O ofu tau atoa
Ina oofu ai;
Ia faamalosi pea,
Ne'i mao faapalaai
Ina tutu i luga
E tau ai mo Iesu;
Tatalo mataala,
Tau ia, ia mautu
Ina faatamatane,
Ia tulia uma 'au
A lena itutaua
Ia le ma toe faamau.
Ina tutu i luga
E tau ai mo Iesu;
E le faafualeva
Le taua nei ua tau:-
Tatou te maua ai pale
E aumai e Iesu,
E tofia foi e pule
Ma ia e faavavau.
Негізгі бет INA tutu i luga (Mapusaga Youth Choir EFKS Christchurch 2006)
Пікірлер: 46