Inklusibong Edukasyon patuloy na isinusulong; 10th SPED Fun Day ginanap
Patuloy na isinusulong ang inklusibong edukasyon para sa mga mag-aaral na may espesyal na pangangailangan sa ginanap na ika-10 na SPED Fun Day noong Hunyo 8, 2023, sa Sarangani Provincial Gymnasium, Alabel, Sarangani Province.
Nilahukan ng mga mag-aaral na may espesyal na pangangailangan ang iba't ibang aktibidad na inihanda para sa kanila tulad ng bocce,- goal ball, pagsasayaw, pag-awit, solving puzzle, , pagbabasa ng Braille, at pagkukuwento gamit ang Filipino Sign Language.
Ayon kay Schools Division Superintendent Ruth L. Estacio, "Ito ang aming paraan upang magbigay ng pagkakataon sa mga mag-aaral na may espesyal na pangangailangan na makisalamuha sa iba."
Sinabi naman ni Education Program Supervisor Garelene Agnes Dona-al na ang SPED Fun Day ay nagpapasigla sa mga magulang na mag-enroll ng kanilang mga anak sa programa ng SPED, na nagresulta sa pagtaas ng bilang ng mga mag-aaral na nakapag-enroll sa nakaraang sampung taon.
Dumalo rin sa okasyon si Cong. Steve Chiongbian-Solon at nagbigay suporta sa pamamagitan ng pinansiyal na tulong.
Binigyang diin din niya ang pangangailangan ng mas malaking suporta mula sa pamahalaan at iba't ibang sektor upang matiyak ang patuloy na pag-unlad ng inklusibong edukasyon sa bansa.
Ang SPED Fun Day ay isa lamang sa mga hakbang na isinagawa ng Kagawaran ng Edukasyon at mga lokal na pamahalaan upang itaguyod ang pagkakapantay-pantay sa edukasyon. Sa pamamagitan ng mga ganitong aktibidad, sinisiguro ng mga organisador na ang mga mag-aaral na may espesyal na pangangailangan ay may mga pagkakataon upang magpakita ng kanilang husay at talino, habang nabibigyan ng tamang suporta at kalinga mula sa mga guro at magulang.
Sa gitna ng pagsusulong ng inklusibong edukasyon, inaasahang patuloy na lalawak ang oportunidad at pagtanggap sa mga mag-aaral na may espesyal na pangangailangan, hindi lamang sa Sarangani kundi sa buong bansa.
Негізгі бет Inklusibong Edukasyon patuloy na isinusulong; 10th SPED Fun Day ginanap
No video
Пікірлер