Қараша айында Қазақстанда мемлекет басшылары, бизнес пен халықаралық сарапшылардың қатысуымен бірқатар маңызды іс-шаралар өтті. Негізгі тақырып Қазақстанның жаңа технологиялары мен инновация саласындағы табысы болды. Толығырақ Өмір Серікбекұлы тарқатсын.
Қазақстан аз уақыт ішінде цифрландыру саласында қарқынды дамыды. Бұл туралы қараша айында өткен конгрестер мен халықаралық форумдарда көп айтылды. «Астана клубының» алтыншы отырысында әлемдік саясаткерлер мен қоғам қайраткерлері мемлекеттің жетістіктерін жіпке тізіп, қазақстандық компаниялардың табыстарын да атап өтті.
АРИЭЛЬ КОЭН, Атлант кеңесінің энергетика және қауіпсіздік бағдарламалары жөніндегі директоры:
- «Мені Kaspi қосымшасы таңқалдырды. Білуімше компания IPO-ға шыққан. Бұл болашақтың жарқын көрінісі».
Жақында Қазақстанға келген сапарында Ұлыбританияның Сауда министрі Ранил Джаявардена да еліміздің инновация саласында әлеуеті жоғары екенін атап өтті.
Ранил Джаявардена, Ұлыбританияның Сауда министрі:
- Біз Қазақстанның қосымша құн тізбегі бойынша алға жылжып, кәсіби біліктілікті арттыру мен қызметтерді дамытуға ынтасын қолдаймыз. Мен мысалы Kaspi-дің қаржы қызметтеріне арналған тамаша қосымша екенін естідім. Білікті жас IT мамандардың арқасында Қазақстанның цифрлық секторы Ұлыбританияда қарқынды дамуы әбден мүмкін.
Цифрландыру - IX Қаржыгерлер конгресінің де басты тақырыбы болды, онда Kaspi.kz басшысы және тең құрылтайшысы Михаил Ломтадзе сөз сөйледі.
Михаил Ломтадзе, Kaspi.kz басшысы және негізін қалушылардың бірі:
- «Қазақстан инновацияда, цифрландыруда және финтех өнімдерін жасауда бұрын-соңды болмаған серпіліс жасады, бүгін, дәл қазір қазақстандықтардың өмірін жақсартуда. Бұл инновациялардың драйвері ел ішінде ғана емес, әлемдік деңгейдегі үлгі Kaspi.kz компаниясы болды».
Қазіргі кезде Қазақстандағы инновация деңгейі көптеген елдермен салыстырғанда жоғары. Бұл құбылысты тіпті шетелде зерттеуде. Гарвард Бизнес мектебі Kaspi.kz-тің тарихы туралы материал жазған. Ол бойынша магистратура студенттері білім алады. «Digital Bridge» халықаралық технологиялық форумында Михаил Ломтадзе мемлекет басшысына мемлекеттік органдармен бірлесіп іске қосылған қызметтер туралы айтып берді.
МИХАИЛ ЛОМТАДЗЕ, Kaspi.kz басшысы және негізін қалушылардың бірі:
- Мемлекеттік қызметтер бөліміне ай сайын 7 миллион адам кіреді. Мұнда салық төлеуге, «Ашықты» тексеруге, жәрдемақы рәсімдеуге, әлеуметтік есепшот ашуға, жеке кәсіпкерді тіркеуге болады. Біз автокөлікті қайта тіркеуді толығымен онлайн жасадық. Бұл әлемдегі бірегей тәжірибе. Бұл қызметті Цифрландыру министрлігімен бірге іске қостық, кейін Ішкі істер министрлігімен жеделдеттік. Біз іске қосқан екінші қызмет -бала тууға байланысты жәрдемақыға өтініш беру. Мемлекеттік органдармен бірге барлығын жылдам әрі автоматты түрде жасадық. Ешқайда барудың қажеті жоқ, жас ата-аналар қағаз толтыруға, халыққа қызмет көрсету орталықтарына уақыт жоғалтпайды, барлығы мобильді қосымшада болады.
«Шекарасыз финтех. Цифрлы Еуразия» 2-ші Халықаралық ПЛАС-форумында Михаил Ломтадзе компанияның барлық технологияларды Қазақстанда әзірлейтінін айтты.
Михаил Ломтадзе, Kaspi.kz басшысы және негізін қалушылардың бірі:
- Барлық технологияларды Қазақстанда біздің команда әзірлеген. Біреу ойлап тауып, біз үшін жасайды деген әртүрлі аңыз бар. Біз бәрін өзіміз жасаймыз, ал бізде көп кеңесші жоқ. Бұл Kaspi.kz - Қазақстанда жасалған!
Сондай-ақ, қараша айында жетекші әлемдік сарапшылардың қатысуымен Қазақстан Республикасы Президенті жанындағы цифрландыруды жүзеге асыру жөніндегі комиссияның отырысы өтті. Михаил қазақстандық озық технологиялық компания жұмысындағы негізгі ұстанымды айтты.
МИХАИЛ ЛОМТАДЗЕ, Kaspi.kz басшысы және негізін қалушылардың бірі:
- Ең негізгі ұстаным - бұл адамдардың өмірін жақсарту. Адамдар пайдаланатын өнімдер қажет - оларды жақсарту керек. Тиісінше, біз және мемлекеттік органдардағы әріптестеріміз - Цифрландыру министрлігі, Қаржы министрлігі, Мемлекеттік кірістер қызметі, ұлттық ақпараттық технология және Ішкі істер министрлігімен соңғы 2 жылда түрлі қызметтерді қатарынан қосудамыз. Біз іске қосатын қызметтер бүгін және дәл қазір адамдарға әсер етуде.
Мемлекет басшысы Kaspi.kz-тің жетістіктерін атап өтіп, компанияға алдағы уақытта табыс тіледі.
ҚАСЫМ-ЖОМАРТ ТОҚАЕВ, Қазақстан Республикасының Президенті
- Менің ойымша, Қазақстанда және шетелде сіздің жетістікке жеткеніңізді бәріміз мойындауымыз керек. Алдағы уақытта да асуларды бағындыра беруіңізге тілектеспін!
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#KaspiKZ
Негізгі бет Инновациялық төңкеріс! Бұл Kaspi.kz - Қазақстанда жасалған!
Пікірлер: 50