16-Сұрақ: Адам баласы "Лә илә́һа илла Алла, Мухаммад расулюлла" куәлігін айтып, ислам дініне кірген соң не істеу керек?
Жауабы: Күніне бес уақыт намаз орындау керек. Намаз деген ол такбирмен басталып, сәлеммен аяқталатын белгілі бір сөздер мен амалдар. Алланың елшісі ﷺ Муазды (р.а.) Йемен еліне жіберген кезде, оған: «Сен кітап иелерінен болған қауымға барасың. Ең бірінші оларды «Лә́ илә́һа иллә Алла» сөзіне күәлік беруге шақыр», - деді.
Басқа риуаятта: «Алланы жалғыздауға шақыр. Егер де олар саған осы мәселелерде бағынса, онда оларға Алла Тағаланың әр күндіз бен түнде бес намазды парыз еткенін жеткіз. Егер олар саған осы мәселелерде бағынса, онда оларға Алла Тағала олардың байларынан алынып, кедейлеріне берілетін садақаны парыз еткенін жеткіз. Егер де олар саған осы мәселелерде бағынса, онда олардың ең қымбат мал-мүліктерін алудан сақ бол, және зұлымдыққа ұшырағанның дұғасынан (қарғысынан) сақтан. Өйткені ондай дұға мен Алланың арасында ешбір перде болмайды», - деді. Хадисті Бухари мен Муслим жеткізген.
17-Сұрақ: Намаз кімге парыз?
Жауабы: Намаз - төрт қасиеті бірге жиналған адамға парыз болады, олар:
1 - Ислам. Алла Тағала сөзінде: {Олардың сарып қылғандарын олардан қабыл болуына кедергі болған жағдай: тек Аллаға, Елшісіне кәпір болғандары . . .} (Тәубә, 54).
2 - Балиғатқа толу. Пайғамбар ﷺ хадисінде айтады: "Үш кісіден қалам көтерілген: Оянғанға дейін ұйқыдағы адамнан, айыққанға дейін жынды адамнан, балиғатқа толғанға дейін баладан". Алайда бала жеті жасқа толғанда оған намазды үйретіп, онға толғанда орындамаса, ұру керек болады.
3 - Ақыл-есі бүтін болу.
4 - Әйел адамға қатысты шарт, ол - етеккір мен нифас қанынан таза болу.
Негізгі бет Исламға қатысты маңызды Сұрақ - Жауап 15. Ұстаз: Омар Теміртас
Пікірлер: 8