करवीर नगर वाचन मंदिर, कोल्हापूर हि संस्था कोल्हापूरमधील अत्यंत मानाची व शतकोत्तर हिरक महोत्सव साजरा करणारी संस्था असून या संस्थेच्या स्थापनेस १६७ वर्षे पूर्ण झाली आहेत. संस्थेचे ग्रंथालय हे महाराष्ट्रातील अत्यंत जुने ग्रंथालय आहे. संस्थेच्या वतीने दरवर्षी आयोजित करण्यात येत असलेल्या वि.स. खांडेकर व्याख्यामालाचे हे ३७ वे वर्ष आहे. (२०१७ साली)
यावर्षीच्या (२०१७ साली) व्याख्यानमालेच्या सत्रात शिवाजी महाराजांची उज्वल आरमारी परंपरा उलगडून दाखविण्याची संधी मला मिळाली आहे........
व्याख्यानाचा विषय :- श्रीशिवछत्रपतींची बसरूर मोहीम
दिनांक :- रविवार दि. १५ जानेवारी २०१७ रोजी सायं. ६ वा.
स्थळ :- करवीर नगर वाचन मंदिर, ५१०-सी, राजाराम रोड, कोल्हापूर - ४१६००२.
~~~~~~~~~~~~~~~~~~~~~~~~~~~~~~~~~~~~~
भारताच्या उज्वल परंपरेमध्ये समुद्राकडे संरक्षणाच्या दृष्टीने विचार करणारा व आपल्या मावळ्यांना लढाऊ आरमाराची प्रेरणा देणारा 'छत्रपती शिवाजी महाराज' हा पहिला राजा होता. इ.स. १६५७ मध्ये मराठा आरमाराची स्थापना झाल्यानंतर केवळ ८ वर्षांनी म्हणजेच इ.स. १६६५ मध्ये तत्कालीन बलाढ्य समुद्री ताकद असणाऱ्या शाह्यांच्याविरोधात सागरी / आरमारी मोहीम काढणारा हा पहिलाच राजा होता. या मोहिमेला राजे आपल्या मावळ्यांना पाठवू शकले असते. मात्र स्वतः जहाजामध्ये बसून शत्रू राष्ट्रांच्या पलीकडे असणारी काही व्यापारी बंदरे हस्तगत करणारा हा भारतातील पहिलाच राजा होता. या मोहिमेत राजांनी केवळ हल्ला करून लूट मिळवली नाही तर तेथील किल्ले / कोट / छावण्या आपल्या कब्जात आणल्या. तेथील समुद्री व्यापारावर व तो करणाऱ्या व्यापाऱ्यांवर आपला वचक बसविला. बेदनूरच्या सत्तेशी मैत्रीपूर्ण संबंध प्रस्थापित केले. पोर्तुगीज, आदिलशाह, डच यांच्यावर वचक ठेवला. एवढे हा मोहिमेचे महत्व आहे.
अशा या मोहिमेचे रोमांचकारी वर्णन जरूर ऐका....
~~~~~~~~~~~~~~~~~~~~~~~~~~~~~~~~~~~~~
ज्या सभागृहामध्ये प्रत्यक्ष स्वामी विवेकानंद यांनी भाषण केले. अनेक जगप्रसिद्ध वक्त्यांनी जेथून आपले विचार मांडले. अनेक ऐतिहासिक गोष्टींचा साक्षीदार असणाऱ्या अशा सभागृहामध्ये शिवप्रभुंची माहिती सांगायला मिळणे हे माझे अहोभाग्यच ...... !
~~~~~~~~~~~~~~~~~~~~~~~~~~~~~~~~~~~~~
(या व्याख्यानाचा व्हिडीओ नसल्याने, त्याचा ऑडिओ व सोबत कार्यक्रमातील फोटो दिलेले आहेत)
Please Like and subscribe our Channel
Негізгі бет शिवछत्रपतींची बसरूर मोहीम. वक्ता - अनिकेत यादव. करवीर नगर वाचन मंदिर, कोल्हापूर. 2017.
Пікірлер