Şivanê pîr: Sebrî Botanî.
Hezar wek min rewşenbîr
Bibin gorî ş'vanê pîr
Şivan e, berpirsyar e
Şev û rojê hişyar e
Hişyar e ranakevê
Ji dozê danakevê
Şivanê gelê kurd e
Mîna gizîrê gund e
Pê xweş e her gizîr bit
Ne paşa û ne wezîr bit
Ne beg û ne axa ye
Rêberekî zana ye
Kul û kovan li ser dil
Barê giran li ser mil
Barê giran karê wî
Karê giran barê wî
Finda rêça tarî ye
Nijadkurd e, arî ye
Ku d'qewimit hazir e
Hêmin e, hem agir e
Çak û çeleng û jîr e
Bo cergê dijmin tîr e
Hebûna wî xebat e
Daxwaza wî welat e
D'rovê miletê me ye
Rewş û xelatê me ye
Ji wî ne, ev ristên xoş
Jê têr nabin bîr û hoş
Huner û şiir û çîrok
Gotar û pesn û dîrok
Derdê wî ez ne bînim
Batî wî ez ne mînim
Da ev xebat serkevê
Jan ji dilan derkevê
Негізгі бет Şivanê pîr: Sebrî Botanî
Пікірлер: 4