இயேசுவின் திரு இருதயத்திற்கு குடும்பத்தை ஒப்புக்கொடுக்கும் செபம்:
கிறிஸ்தவக் குடும்பங்களில் அரசராய் வீற்றிருக்க உமக்குள்ள ஆவலைத் தூய மார்கரெட் மரியா வழியாகத் தெரிவித்த இயேசுவின் திரு இருதயமே! எங்கள் குடும்பத்தின் மீது உமக்குள்ள எல்லா அதிகாரத்தையும் சிறப்பாக அங்கீகரிக்கும்படி இதோ இன்று இங்கே கூடியிருக்கிறோம். இன்று முதல் உமது வாழ்வைப் பின்பற்றி நடக்க விரும்புகிறோம். நாங்கள் அனைவரும் சமாதானமாய் இணைந்து வாழ்வதற்குத் தேவையான புண்ணியங்கள் எங்களது குடும்பத்தில் நாளுக்கு நாள் அதிகரிக்க வேண்டுமென்று விரும்புகிறோம். நீர் வென்று விலக்கியிருக்கும் உலகப் பற்றுதல்களை எல்லாம் எங்களை விட்டு அகற்றிப்போட விரும்புகிறோம். கபடற்ற எங்கள் விசுவாசத்தின் காரணத்தால் எங்கள் மத்தியில் நீர் அரசாள்வீராக. முழு இருதயத்தோடு உம்மை அன்பு செய்வதால் எங்கள் இருதயங்களின் அரசராக நீர் வீற்றிருப்பீராக. திவ்விய நற்கருணையில் உம்மை அடிக்கடி உட்கொள்வதால் எங்கள் அன்பை அதிகரித்தருளும்.
ஒ, இயேசுவின் திரு இருதயமே! எங்கள் மத்தியில் உமது ஆட்சியை நிறுவி, நாங்கள் சிறப்பாகச் செய்யும் ஆன்ம சரீர முயற்சிகளை ஆசீர்வதித்தருளும். எல்லா கவலைகளையும் எங்களிடமிருந்து நீக்கியருளும். எங்கள் இன்பங்களை ஆசீர்வதித்துத் துன்பங்களினின்று எங்களை மீட்டருளும். எங்களில் யாராவது உம்மை எப்போதாவது வருத்தத்துக்குள்ளாக்கியிருந்தால், திரு இருதயமே வருத்தப்படும் அந்தப் பாவியின் மீதும் நீர் இரக்கம் உள்ளவர் என்பதை நினைவு கூர்ந்தருளும். நாங்கள் ஒருவரையொருவர் விட்டுப் பிரியும்படி எங்களுக்குள் இறப்பு நேரிடும்போது இறப்பவர்களும், உயிரோடு இருப்பவர்கள் எல்லாரும் உமது திருவுளத்திற்கு ஏற்ப நடக்க அருள் தாரும். இறுதியில் ஒருநாள் நாங்கள் எல்லாரும் விண்ணகத்தில் ஒன்றுகூடி உமது மகிமையை எக்காலமும் போற்றித் துதிக்கும் பாக்கியம் கிடைக்குமென்ற நம்பிக்கையால் ஆறுதலடைவோம். எங்களது இந்தக் காணிக்கையைத் தூய மரியாவின் மாசற்ற இருதயமும், மகிமை நிறைந்த தந்தையாகிய தூய யோசேப்பும் உம்மிடம் சமர்ப்பித்து, எங்கள் வாழ்நாளின் ஒவ்வொரு நாளும் நாங்கள் அதை மறவாதிருக்கும்படி எங்களுக்கு உதவி செய்தருளும். எங்கள் அரசரும் தந்தையுமாகிய இயேசுவின் திரு இருதயம் என்றும் துதிக்கப்படுவதாக. ஆமென்.
இறைவா! இறந்து போன உறவினர்களுக்காக நாங்கள் ஒப்புக்கொடுக்கும் இந்த வேண்டுதல் உம் அடியார்கள் அனைவருக்கும் பயன்படுவதாக. அனைத்துப் பாவங்களிலிருந்தும் அவர்களை விடுவித்து, உம் மீட்பில் அவர்கள் பங்குபெற அருள்வீராக! இந்த வழிபாட்டிலே பங்குகொள்ள இயலாமல் வேறு இடங்களில் இருக்கும் உறவினர், உபகாரிகள், நண்பர்களுக்காகவும் வேண்டுகிறோம். இறைவா, அவர்களை எல்லாம் உமது அன்பிலே காத்து, அருளினால் நிரப்பி வழிநடத்தியருளும். என்றென்றும் வாழ்த்து ஆட்சி செய்பவர் நீரே. ஆமென்.
விண்ணுலகத்தில் இருக்கின்ற எங்கள் தந்தையே !
உமது பெயர் தூயது எனப் போற்றப் பெறுக . உமது ஆட்சி வருக ! உமது திருஉள்ளம் விண்ணுலகில் நிறைவேறுவது போல மண்ணுலகிலும் நிறைவேறுக .
எங்கள் அன்றாட உணவை இன்று, எங்களுக்குத் தாரும் .எங்களுக்கு எதிராக குற்றம் செய்வோரை நாங்கள் மன்னிப்பது போல எங்கள் குற்றங்களை மன்னியும் .எங்களை சோதனைக்கு உட்படுத்தாதேயும் தீமையிலிருந்து எங்களை விடுவித்தருளும் . - ஆமென்
அருள் மிகப் பெற்ற மரியே வாழ்க!
ஆண்டவர் உம்முடனே.பெண்களுக்குள் ஆசி பெற்றவர்
நீரே.உம்முடைய திருவயிற்றின் கனியாகிய இயேசுவும் ஆசி பெற்றவரே. தூய மரியே ! இறைவனின் தாயே !
பாவிகளாய் இருக்கிற எங்களுக்காக இப்பொழுதும் எங்கள் இறப்பின் வேளையிலும் வேண்டிக்கொள்ளும். - ஆமென்.
தந்தைக்கும் மகனுக்கும் தூய ஆவியாருக்கும் மாட்சிமை உண்டாகுக.
தொடக்கத்தில் இருந்தது போல் இப்பொழுதும் எப்பொழுதும் என்றென்றும் இருப்பதாக. - ஆமென்.
--------------------------------------------------------------------------------------------------------------------------
தினமும் தியானிக்க வேண்டிய ஜெபமாலை:
ஒளி நிறை மறை உண்மைகள் (வியாழக் கிழமை): • ஜெபமாலை | ஒளி நிறை மறை...
மகிமை நிறை மறை உண்மைகள் (புதன், ஞாயிற்றுக்கிழமை): • ஜெபமாலை | மகிமை நிறை ம...
துயர் மறை உண்மைகள் (செவ்வாய், வெள்ளிகிழமை): • ஜெபமாலை | துயர் மறை உண...
மகிழ்ச்சி நிறை மறை உண்மைகள் (திங்கள், சனிக்கிழமை): • ஜெபமாலை | மகிழ்ச்சி நி...
தினமும் ஜெபமாலை ஜெபித்து அன்னையின் அருளையும் ஆசீரையும் பெறுவோம்.
-------------------------------------------------------------------------------------------------------------------------
அன்னை வேளாங்கண்ணி மன்றாட்டு மாலை : • அன்னை வேளாங்கண்ணி மன்ற...
வேளாங்கண்ணி புனித ஆரோக்கிய அன்னை நவநாள் ஜெபம் : • வேளாங்கண்ணி புனித ஆரோக...
-------------------------------------------------------------------------------------------------------------------------
To watch our videos in English,
/ backlightchristianmedia
Subscribe our Channel and Click Bell icon.
-----------------------------------------------------------------------------------------------------------------------------------------
Follow Me:
Facebook : / backlightchristiantv
-----------------------------------------------------------------------------------------------------------------------------------------
Негізгі бет இயேசுவின் திரு இருதயத்திற்கு குடும்பத்தை ஒப்புக்கொடுக்கும் செபம் | 4K VIDEO
Пікірлер: 155